♪ " Sony Xperia XA VS HTC Desire 628 " ♫

ဒီတစ်ပတ်အတွက် နှိုင်းယှဉ်ပေးမယ့် စမတ်ဖုန်း ၂ လုံးကတော့ ၂ဝ၁၆ ခုနှစ် ဇွန်လလောက်က ရှေ့ဆင့်နောက်ဆင့်ထွက်ရှိထားတဲ့ Sony Xperia XA နဲ့ HTC Desire 628 တို့ပဲ ဖြစ်ပါတယ်။ ဖုန်း ၂ ခုလုံးမှာ အသုံးပြုနိုင်တဲ့ Networks ၊ မျက်နှာပြင်အမျိုးအစား၊ အကျယ်၊ မြင်ကွင်း စွမ်းအား၊ အနောက်ကင်မရာ အရည်အသွေး စတာတွေ တူညီပြီး အသုံးပြုထားတဲ့ RAM, Processor, Internal Memory, OS, Battery နဲ့ အရှေ့ ကင်မရာစွမ်းရည်တို့ကတော့ အနည်းငယ်လောက် ကွာခြားပါတယ်။

Sony Xperia XA နဲ့ HTC Desire 628 ဖုန်းတွေကို GSM, HSPA, LTE networks တွေမှာ အသုံးပြုနိုင်ပေမယ့် HTC Desire 628 က dual SIM စနစ်ဖြစ်ပြီး Sony Xperia XA ကတော့ Nano SIM card တစ်ကတ်တည်းကိုသာ ထည့်သွင်းသုံးစွဲနိုင်ပါတယ်။ Desire 628 မှာ Android OS,v5.0 (lollipop) ကို အခြေခံထားတဲ့ HTC Sense 7 UI သုံးထားပြီး OS,v6.0.1 (Marshmallow) ကို အသုံးပြုပေးထားပါတယ်။ Internal memory နဲ့ RAM စွမ်းအားက Desire 628 က ပိုမိုကောင်းမွန်ပြီး ဘက်ထရီစွမ်းအားပိုင်းမှာတော့ Xperia XA က 100mAh လောက် ပိုများပါတယ်။

* Design *

1. Sony Xperia XA
----------------------
Sony Xperia XA ရဲ့ အရွယ်အစားက 143.6 x 66.8 x 7.9 mm ရှိပြီး အလေးချိန်က 137.4g သာလေးပါတယ်။ Sony ရဲ့ အပါးလွှာဆုံးဖုန်းတွေထဲမှာ တစ်လုံးအပါအဝင်ဖြစ်ပြီး နောက်ကျောဘက်ကို ပလတ်စတစ်နဲ့ ပြုလုပ်ပေးထားအတွက် ပေါ့ပါးမှုလည်းရှိပါတယ်။

2. HTC Desire 628
----------------------
HTC Desire 628 ရဲ့ အရွယ်အစားကတော့ 146.9 x 70.9 x 8.1 mm ရှိပြီး 142g လေးပါတယ်။ ဒီဇိုင်းပုံစံလေးက ဆန်းသစ်ပြီး အဖြူရောင်နဲ့ အပြာရောင်၊ အမည်းရောင်နဲ့ အနီရောင်စပ်ထားတဲ့ အရောင် ၂ မျိုးတည်းကိုသာ ထုတ်လုပ်ပေးထားပါတယ်။

* Processor *

1. Sony Xperia XA
---------------------
Xperia XA ရဲ့ စက်စွမ်းဆောင်ရည်ပိုင်းအတွက် RAM 2GB ပါရှိတဲ့ Octa-core (4x2.0GHz Cortex-A53 & 4x1.0GHz Cortex-A53) processor နဲ့ Mediatek MT6755 Helio P10 chipset တို့က ပံ့ပိုးပေးထားပြီး Mali-T860 MP2 GPU ရဲ့ အကူအညီကိုလည်း ရရှိနိုင်ပါတယ်။

2. HTC Desire 628
----------------------
Desire 628 မှာ Octa-core 1.3 GHz processor ကို ထည့်သွင်းပေးထားပြီး RAM 3GB ပါရှိပါတယ်။ ဒါကြောင့် စက်စွမ်းဆောင်ရည်ပိုင်းမှာ ဘာမှသိပ်မကွာခြားပေမယ့် Xperia XA ထက် RAM 1GB ပိုများတာကို တွေ့ရပါတယ်။

* Display *

1. Sony Xperia XA
---------------------
မျက်နှာပြင်အကျယ် ၅ လက်မရှိပြီး IPS LCD capacitive touch screen display အမျိုးအစားကို သုံးစွဲထားပါတယ်။ ပြသပေးနိုင်တဲ့ မြင်ကွင်းစွမ်းအားက 720 x 1280 pixels ရှိပြီး ၁ လက်မ သိပ်သည်းဆက ~294 ppi pixels ပမာဏ ရှိပါတယ်။

2. HTC Desire 628
----------------------
HTC Desire 628 က Xperia XA နဲ့ display အမျိုးအစားချင်းရော မျက်နှာပြင်အကျယ်ပါ တူညီတဲ့အပြင် HD မြင်ကွင်းတွေကို ပေးစွမ်း နိုင်တာခြင်းကလည်း အတူတူပါပဲ။ ဒါ့အပြင် ဖုန်း ၂ ခုစလုံးက multi-touch စနစ်ကို ထောက်ပံ့ပေးထားပါတယ်။

* Verdict *

1. Sony Xperia XA
---------------------
Sony Xperia XA ဟာ ဒီဇိုင်းပုံစံက အလွန်ဈေးကြီးတဲ့ အဆင့်မြင့် နောက်ဆုံးပေါ် စမတ်ဖုန်းတစ်လုံးလို့ ထင်ရလောက်အောင် ကြည့် ကောင်းပြီး ထည့်သွင်းပေးထားတဲ့ specs တွေကလည်း ပေးရတဲ့ ဈေးနှုန်းနဲ့ ထိုက်တန်မှု ရှိပါတယ်။ ဒါကြောင့် သာမန်ဖုန်းသုံးစွဲသူတွေ အတွက်ဆိုရင်တော့ အလွန်ကောင်းမွန်ပါတယ်။

2. HTC Desire 628
----------------------
HTC Desire 628 က အလယ်အလတ်တန်းစား စမတ်ဖုန်းအမျိုး အစားထဲမှာ ပါဝင်ပြီး သင့်တင့်ကောင်းမွန်တဲ့ specs တွေနဲ့ features တွေကို ထောက်ပံ့ပေးထားပါတယ်။ ဈေးကွက်ထဲမှာတော့ ဈေးနှုန်း သက်သက်သာသာနဲ့ သုံးစွဲလို့ကောင်းတဲ့ စမတ်ဖုန်းတစ်လုံးလို့ ပြောနိုင်ပါတယ်။


NetGuide Journal (Every Wednesday)
https://www.facebook.com/officialnetguidejournal

<<< အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။ >>>  





www.pyaephyo.com