♪ “အွန်လိုင်းမှာသုံးဖို့ ဖိုင်တွေချုံ့မယ်” ♫

Storage medium (ပြောရရင် မင်မိုရီစတစ်)တွေ ဈေးကျလာလို့ ဖိုင်တွေကို အရွယ်အစားအကြီးအသေးမရွေး ကျွန် တော်တို့အိတ်ထဲ ထည့်လာနိုင်ပါတယ်။ ဒါပေမယ့် သူငယ်ချင်းအချင်းချင်း အွန်လိုင်းကနေ ဓာတ်ပုံတွေ၊ ဗီဒီယိုတွေ၊ app တွေ Share မယ်ဆိုရင်ဖြင့် ဖိုင်အရွယ်အစားကြီးခြင်း သေးခြင်းက စကားပြော လာပါတယ်။ အွန်လိုင်းပေါ်ကို data အတင်အချလုပ်ရင် data ပမာဏအလိုက် ပိုက်ဆံပေးရတဲ့စနစ်ကလာပြီကိုး။ နောက်ပိုင်း Wi-Fi အင်တာနက်တွေ ဘာတွေလာရင် data အတွက် ကုန်ကျစရိတ်က ပြောပ လောက်မှာမဟုတ်တော့ဘူး။ ဒါပေမယ့် အွန်လိုင်းကနေ တစ်နေရာရာကို ပို့တဲ့အခါမှာ ဖိုင်အရွယ်အစား ကြီးရင် ကြီးသလောက် အချိန်ယူဦးမှာပဲ။ 

အချိန်မကြာအောင် 4G သုံးမယ်လေ။ စိတ်ကူးမယဉ်ပါနဲ့ဗျာ။ 3G ဆိုတာ တောင် 1Mbps အမြန်နှုန်း အောက်မကျဘဲ တောက်လျှောက်ပေးနိုင်လို့လား။ ကွန်ပျူတာသီးသန့် အင်တာနက်လိုင်းကတော့ ယောင်လို့တောင်မှ မစဉ်းစား နဲ့။ အခု လော လောဆယ်မှာ ကျွန်တော်ဘုရားစူး 4G သုံးနေပါတယ်။ တစ်ချက် တစ်ချက် 1Mbps အမြန်နှုန်းကို ဖျတ်ကနဲမြင်ရတတ်ပါတယ်။ ဒါလောက်ပါပဲ။ အဲဒီတော့ ကိုယ့်မင်မိုရီစတစ်ထဲမှာ data တွေ ပိုပြီး ထည့်နိုင် အောင် အွန်လိုင်း data သုံးခသက်သာအောင်၊ တခြားတစ်နေရာကိုအွန်လိုင်း က ပို့တဲ့အခါမှာ မြန်ဆန်အောင်ဖိုင်အရွယ် အစားချုံ့ကြပါမယ်။
ဖိုင်အရွယ်အစား ချုံ့တာက ဟုတ်ပါပြီ။ ပုံရိပ်ဖိုင်တွေ သီချင်းဖိုင်တွေက ဖိုင်အရွယ်အစားသေးလေ၊ အရည်အသွေးညံ့လေ မဟုတ်လား။ မပူပါနဲ့ အရည်အသွေးမကျစေဘဲ ဖိုင်အရွယ်အစားကို ရသလောက်ချုံ့ပေးမယ့် File optimizer app ရှိတယ်။

သူ့ရဲ့ ထူးခြားချက်က ဖိုင်အမျိုးအစားပေါင်း (၂၇၅)မျိုးအထိ အရွယ်အစား ချုံ့ပေးနိုင်တာဖြစ်ပါတယ်။ User interface ကလည်း အင်မတန်ရှင်းပါတယ်။ အရွယ်အစားချုံ့ချင်တဲ့ ဖိုင်တွေကို drag and drop နည်းနဲ့ app Window ထဲ ဆွဲချပြီး အလုပ်လုပ်နိုင်ပါတယ်။ ဖိုင်ရဲ့ Extension တွေကို သူကသိတဲ့အတွက် အလုပ်လုပ်တဲ့နေရာမှာလည်း အမှားအယွင်းမရှိပါဘူး။Music ၊ Video ၊ image နဲ့ document ဖိုင်အတော်များများကို အရွယ်ချုံ့ပေးနိုင်ပါတယ်။ ဖိုင်အရွယ် အစား ချုံ့တဲ့အခါမှာ Optimize all file နေရာမှာ ကလစ်တစ်ချက်နှိပ်ရုံနဲ့ ကိစ္စ ပြီးပါတယ်။ www.bit.ly/optimizer406 ကနေ download ဆွဲချပြီး သုံးနိုင်ပါ တယ်။

Windows XP ကနေ Windows 10 အထိ အလုပ်လုပ်ပါတယ်။ download ဖိုင် အရွယ်အစားက 35 Mb လောက်ပဲရှိပေမယ့် ကွန်ပျူတာထဲမှာ ဖြန့်ချတဲ့အခါ 100 Mb ကျော်အရွယ်ရှိပါတယ်။ အဲဒါကိုက သူ့ရဲ့ဖိုင်ချုံ့ နည်းပညာအစွမ်း ကို ပြနေတာဖြစ်ပါတယ်။ ဖိုင်ချုံ့တဲ့အခါ သတိထားရမှာ တစ်ချက်ပဲရှိပါတယ်။ မူရင်းဖိုင်ရဲ့ attribute တွေကို ဆက်ပြီးထိန်းထားဖို့ ဖြစ်ပါတယ်။ ဖိုင်တစ်ခုရဲ့ properties ကို ခေါ်ယူလိုက်တဲ့အခါ အဲဒီ ဇယားကွက် ထဲမှာ ပြထားတဲ့အချက်အတော်များများဟာ (ဥပမာ- read only) file attribute ဖြစ်ပါတယ်။ကောင်းပြီဗျာ။ ဖိုင်ကို download ဆွဲချ install လုပ်ပြီး ဖွင့်လိုက်ပါမယ်။ User interface ထဲမှာ အသုံးချတဲ့နေရာ နှစ် နေရာပဲ ရှိပါတယ်။ အဲဒါက File Menu နဲ့ Optimize menu ဖြစ်ပါတယ်။ File Menu မှာက ချုံ့မည့်ဖိုင်တွေထည့်ပေးတာ၊ ချုံ့ပြီး သားဖိုင်စာရင်းကို ရှင်းတာ၊ ချုံ့ပြီးသားဖိုင်တွေရှိတဲ့နေရာကို သွားဖွင့်တာတွေအတွက် သုံးပါတယ်။

Optimize Menu ကတော့ Optimization လုပ်ငန်းစဉ်နဲ့ပတ်သက်ပြီး ရွေးချယ်ခွင့် တွေယူတဲ့နေရာဖြစ်ပါတယ်။ App Window ထဲမှာ ညာကလစ် ထောက် လိုက်ရင် ဇယားကွက်တစ်ခုပေါ်လာပါမယ်။ အဲဒီဇယားကွက်ထဲမှာ File Menu နဲ့ Optimize menu ကို တစ်ပေါင်းတည်း တွေ့ရပါမယ်။

အရွယ်ချုံ့ ချင်တဲ့ဖိုင်တွေကို File>Add files ဒါမှမဟုတ် right click> Add files ဒါမှမဟုတ် drag and drop နည်းနဲ့ File Optimizer ထဲကိုပို့နိုင်ပါတယ်။ Format မတူတဲ့ ဖိုင်အတော်များများကို Add လုပ် ပြီး တစ်ချိန်တည်းမှာ အရွယ်အစားချုံ့နိုင် ပါတယ်။ သူ့ဟာသူ ချုံ့လိမ့်မယ်။ ကိုယ်ဝင်ပါစရာမလို ဘူး။ Add လုပ်ထားတဲ့ဖိုင်တစ်ခုကို preview ကြည့်ချင်ရင် ဘယ်ကလစ် နှိပ်ပြီးဖွင့်ကြည့်နိုင်တယ်။ Add လုပ်ပြီးသား ဖိုင်တွေထဲက ပယ်ပစ်ချင်တာတွေ ကိုရွေး၊ ညာကလစ်ထောက်ပြီး Remove selected file ကိုလုပ်နိုင်ပါတယ်။ Shift + delete နှိပ်ပြီး ဖယ်နိုင်တယ်။ Clear all files (Ctrl + delete) နဲ့ ဖယ်ပြီး ဖိုင်စာရင်းအသစ်ပြန် ထည့်နိုင်ပါတယ်။ ကိုယ့်ဖိုင်ဘယ် folder ထဲမှာရှိသလဲ သိချင်ရင် အဲဒီဖိုင်ပေါ်မှာ ညာကလစ်နှိပ်ပြီး Open Containing folder ကို ခေါ်ကြည့်နိုင်ပါတယ်။

ကောင်းပြီဗျာ။ ချုံ့မယ့်ဖိုင်တွေထည့်ပြီးပြီ။ သေချာပြီဆိုရင် ညာကလစ် တစ်ချက်ထောက်ပြီး Optimize all files မှာ ကလစ်တစ်ချက်နှိပ်ပါမယ်။ App Window ရဲ့ အောက်ခြေမှာ အစိမ်းရောင်လိုင်းတန်းတစ်တန်းပေါ်လာပြီး သူ့ဘေးမှာ process status ကို မြင်နေရပါမယ်။ ချုံ့ပြီးသွားတာနဲ့ တစ်ပြိုင် နက် ဖိုင်အသစ်ဟာ မူရင်းဖိုင်ရဲ့ ရာခိုင်နှုန်းဘယ်လောက်ပဲ ရှိတယ်ဆိုတာ လာပြပါမယ်။ Hard disk ပေါ်တင်ထားတဲ့ဖိုင်ကို ချုံ့မယ်ဆိုရင် မူရင်းဖိုင်ကို Recycle bin ထဲ ပို့ပါမယ်။ မူရင်းဖိုင်ရဲ့မူလနေရာမှာ ချုံ့ပြီးသားဖိုင်ကိုပဲ တွေ့ရပါမယ်။ မူရင်းဖိုင်ကို Recycle bin ထဲကနေယူပြီး ပြန်သိမ်းထားနိုင် ပါတယ်။ မင်မိုရီစတစ်နဲ့ မင်မိုရီကတ် ပေါ်က ဖိုင်တွေကိုချုံ့ရင်တော့ မူရင်းဖိုင် ကို Recycle bin ထဲ မပို့ပါဘူး။ ဒါကြောင့် မူရင်းဖိုင်ကို သိမ်းချင်သူတွေက တစ်နေရာမှာ သီးခြားသိမ်းထားသင့်ပါတယ်။ ချုံ့ဖို့ရည်ရွယ်တဲ့ဖိုင်တွေ သီးခြား folder မှာထည့်ပြီး ချုံ့သင့်ပါတယ်။

Hard drive ပေါ်က ဖိုင်တွေကိုချုံ့မှာဖြစ်ပြီး မူရင်းဖိုင်ကို မသိမ်းချင်သူတွေက Optimize menu ကိုဖွင့်ပြီး အောက်ဘက် မှာ မြင်နေရတဲ့ Do not use recycle bin ဘေးကအကွက်မှာ အမှန်ခြစ်ပေါ်အောင် ကလစ်နှိပ်ရပါမယ်။ Keep file attribute မှာလည်း ကလစ်နှိပ်သင့်ပါတယ်။ Optimize Menu အောက်မှာ options ရှိတယ်။ သူ့ကိုရွေးရင် General appearence နဲ့ file format tab တွေကိုတွေ့ရပါမယ်။ General tab အောက်က Optimization Level မှာ default အနေနဲ့ 5: Normal ပေးထားတယ်။ အလုပ်လုပ်တာလည်း မြန်စေ၊ ဖိုင်အရွယ်အစားလည်း တန်သလောက်ကျုံ့စေဆိုတဲ့ သဘောပါ။ အရွယ်အစား အများဆုံး ကျုံ့စေချင်ရင် 9: best ကို ရွေးသင့်ပါတယ်။ Process priority မှာ default အနေနဲ့ idle ပေးထားတယ်။ Resource တန်သ လောက်သုံးပြီး အလုပ်မြန်မြန်ပြီးစေချင်ရင် Normal မှာ ထားသင့်ပါတယ်။ Exclude Mask ကတော့ မပါစေချင်တဲ့ဖိုင်တွေကို စစ်ထုတ်ဖို့ဖြစ်ပါတယ်။ 

Appearance tab ကတော့ user interface ကို ဘယ်လိုပုံစံနဲ့ မြင်ချင်တာ လည်း ရွေးချယ်ဖို့ပါ။ File format တွေက တစ်ခုချင်းအလိုက် စွမ်းဆောင်ချက် တွေရှိပါတယ်။ Dpi အရွယ်လျှော့ပြီးချုံ့ချင်ရင် ရွေးချယ်ခွင့်ရှိပါတယ်။

ဥပမာပြောရရင် မူလက 150 dpi ရှိတဲ့ PDF ဖိုင်တစ်ခုကို 72 dpi ဖြစ်အောင် down sampling လုပ်တာမျိုး ဖြစ်ပါတယ်။ MP3, JPEG, PNG တွေမှာဖြင့် ဖိုင်တွေ Compress လုပ်တဲ့အခါမှာ Copy metadata ကို ရွေးခွင့်ပေးပါတယ်။ ကျွန်တော်လက်တွေ့သုံးကြည့်တော့ 17 Mb အရွယ်ရှိပြီး 150 dpi resolution ရှိတဲ့ဖိုင်ကို 9:best နဲ့ compress လုပ်ရာမှာ အချိန်သုံးမိနစ်ကြာပြီး မူရင်းဖိုင် ရဲ့(၇၃%)ထိ အရွယ်ချုံ့ပေးပါတယ်။ ဖိုင်အရည်အသွေးကျဆင်းမှုက မမြင်သာ ပါဘူး။ အွန်လိုင်းမှာ ဖိုင်တွေနဲ့အလုပ်လုပ်နေရသရွေ့ File Optimizer ကို သုံးသင့်ပါတယ်။

နောင်စိုး(ထားဝယ်)

Mobile Guide Journal (Every Monday)
https://www.facebook.com/officialmobileguidejournal

<<< အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။ >>>  





www.pyaephyo.com