♪ " Sony Xperia XZ1 VS Sony Xperia XZ1 Compact " တို့ရဲ့အားသာချက်အားနာချက်သုံးသပ်ချက်များ ♫

Sony ရဲ့ Xperia XZ1 နဲ့ XZ1 Compact ဖုန်းနှစ်လုံးဟာ အသစ်စက်စက်ဖုန်းတွေဖြစ်ပြီး ကြေညာ ထားတာမကြာသေးလို့ ဈေးကွက်ထဲကို စက်တင်ဘာ၊ အောက်တိုဘာထဲမှာမှ ရောက်လာကြမှာ ဖြစ်ပါတယ်။ ဒီဖုန်းနှစ်လုံးရဲ့ အဓိကတူညီတဲ့အချက်ကတော့ ပုံမှန်အရွယ်အစားဖုန်းတွေကိုပဲ ကျစ်ကျစ် လျစ်လျစ် သုံးစွဲချင်သူတွေအတွက် ရည်ရွယ်ထားတာ ဖြစ်ပါတယ်။ ဖုန်းသေးသေးပဲ ကြိုက်တယ် ဆိုရင်တော့ XZ1 Compact ကို ရွေးရမှာ ဖြစ်ပါတယ်။ Display အရ ကြည်လင်မှုမှာတော့ XZ1 ဟာ Full HD ဖြစ်တာကြောင့် အသာစီးရနေပေမယ့် သေးငယ်တဲ့ XZ1 Compact ဟာလည်း ကြည်လင်မှုမှာ အားမနည်းလှတာကို တွေ့နိုင်ပါတယ်။ Sony ရဲ့ နည်းပညာတွေပါဝင်မှုက အတူတူပါပဲ။ အဓိကကင်မရာတွေဟာ အတူတူပဲဖြစ်ပြီး XZ1 မှာ ရှေ့ကင်မရာက အနည်းငယ် Megapixel သာလွန်ခဲ့ပါတယ်။ ဖုန်းနှစ်လုံးစလုံးဟာ IP68 Certifted ဖြစ်လို့ ဖုန်နဲ့ ရေဒဏ်ခံနိုင်မှုအပိုင်းမှာလည်း တူညီခဲ့ပါတယ်။

* Design *

1. Sony Xperia XZ1

ဒီဇိုင်းအရ XZ1 ဟာ XZ1 Compact နဲ့ မကွာလှဘဲ အနည်းငယ်ပိုကြီးလာတာပဲရှိပြီး 148 ×73.4 × 7.4 mm ရှိကာ 155g လေးပြီး Fingerprint Sensor ဟာ ဘေးဘက်မှာပဲ တပ်ဆင်ထားပါတယ်။ အနက်၊ အဖြူ၊ အပြာနဲ့ ပန်းရောင် 4 မျိုးကို ရွေးချယ်နိုင်ပါတယ်။

2. Sony Xperia XZ1 Compact

Sony ရဲ့ ဖုန်းတွေအတိုင်းပဲ လေးထောင့်ဆန်ဆန်လှပစွာ ဖွဲ့စည်းထားပြီး 129 × 64 × 9.3 mm အရွယ်အစားရှိကာ 140g လေးပါတယ်။ Fingerprint Scanner ကို ဘေးဘက်မှာတွေ့ရပြီး အနက်၊ ငွေရောင်၊ အပြာနဲ့ ပန်းရောင်ဆိုပြီး အရောင် 4 မျိုး ရွေးချယ်နိုင်ပါတယ်။

* Processor *

1. Sony Xperia XZ1

Sony Xperia XZ1 မှာလည်း Snapdragon 835 Chipset ကို သုံးပေးထားပြီး Octa-Core Processor ဖြစ်ကာ Kyro 2.35GHz Core 4 ခုနဲ့ 1.9GHz Core 4 ခုတို့ကို ပေါင်းစပ်ပေးထားပါတယ်။ ဂရပ်ဖစ်ကတော့ Adreno 540 ဖြစ်ပါတယ်။

2. Sony Xperia XZ1 Compact

2017 ရဲ့ အကောင်းဆုံး Mobile Processor တစ်ခုဖြစ်တဲ့ Qualcomm Snapdragon 835 ကို XZ1 Compact မှာသုံးပေးထားပြီး Octa-Core Processor ဖြစ်ကာ 2.45GHz Core 4 ခုနဲ့ 1.9GHz Core 4 ခုပါဝင်ပြီး GPU ကတော့ Adreno 540 ဖြစ်ပါတယ်။

* Display *

1. Sony Xperia XZ1

XZ1 မှာ ပိုမိုကြီးမားတဲ့ 5.2 လက်မ IPS LCD အမျိုးအစား Display ပါဝင်ပြီး 1080 × 1920 pixel resolution ရှိကာ တစ်လက်မ သိပ်သည်းဆ 424 ppi ရှိပါတယ်။ Corning Gorilla Glass 5 နဲ့ ကာကွယ်ပေးထားပြီး HDR 10 ထောက်ပံ့ပေးနိုင်စွမ်းပါ အပိုပါဝင်လာပါတယ်။

2. Sony Xperia XZ1 Compact

XZ1 Compact ကတော့ 4.6 လက်မအရွယ် Display ပါဝင်ပြီး 720 × 1280 pixels resolution ရှိကာ တစ်လက်မသိပ်သည်းဆ 319 ppi ရှိပါတယ်။ Corning Gorilla Glass 5 နဲ့ ကာကွယ်ပေးထားပြီး Triluminos Display X-Reality Engine နည်းပညာတွေ ပါဝင်ပါတယ်။

* Verdict *

1. Sony Xperia XZ1

ပုံမှန်အရွယ်ဖုန်းတစ်လုံးကို နှစ်သက်သူများ၊ ရေစိုခံကို နှစ်သက်သူများအတွက် XZ1 ဟာ ရွေးချယ်စရာဖြစ်လာနိုင်ပြီး Android 8.0 Oreo OS ကိုသုံးရမှာလည်း သဘောကျစရာကောင်းပါတယ်။ RAM 4GB နဲ့ Storage 64GB ဟာ လုံလောက်တဲ့ပမာဏတစ်ခုဖြစ်ပြီး Li-ion 2700 mAh ဘက်ထရီဟာ တစ်နေကုန်သုံးစွဲဖို့ လုံလောက်နိုင်ပါတယ်။

2. Sony Xperia XZ1 Compact

ဒီခေတ်ထဲမှာ ရှားနေပြီလို့ဆိုနိုင်တဲ့ သေးသေးနဲ့ ကျစ်ကျစ်လျစ်လျစ်သုံးနိုင်တဲ့ ဖုန်းတစ်ခုဖြစ်ပြီး နောက်ဆုံးပေါ် Android 8.0 Oreo နဲ့ သုံးနိုင်မှာဖြစ်ပါတယ်။ Sony ရဲ့ ထုံးစံအတိုင်း ရေစိုခံတာဟာလည်း သဘောကျစရာဖြစ်ပြီး RAM 4GB နဲ့ Storage 32GB ဟာလည်း ပုံမှန်သုံးစွဲသူအားလုံးကို ကျေနပ်စေနိုင်ပါတယ်။


NetGuide Journal (Every Wednesday)
https://www.facebook.com/officialnetguidejournal

www.pyaephyo.com