♪ “မြန်မာနိုင်ငံကိုအသစ်ရောက်ရှိလာသော Motorola ဖုန်းများ” ♫

Motorola ဆိုတာက နာမည်ကြီးဖုန်းအမျိုးအစားတစ်ခုပါ။ အခုဆိုရင် Motorola ဖုန်းတွေဟာ မြန်မာနိုင်ငံကို တရားဝင် ရောက်ရှိလို့လာပါပြီ။ အသစ်ရောက်လာတဲ့ Motorola ဖုန်းတွေမှာ ဘာတွေထူးခြားမှုရှိလဲ။ ဘာတွေပါဝင်လာသလဲဆိုတာစာဖတ်သူတွေ သိရအောင် ဖော်ပြပေး လိုက်ပါတယ်။

(၁) Moto Z smartphone

Moto Z တော်တော်ပါးတဲ့ စမတ်ဖုန်းတစ်ခုလို့ ဆိုနိုင်ပါတယ်။ ၅.၁၉ မီလီမီတာသာအထူရှိတာမို့ကမ္ဘာအပါးဆုံး premium smartphone စာရင်းထဲထည့်လို့ရပါတယ်။ ကိုယ်ထည်ကိုစစ်တပ်သုံး aircraft-grade အလူမီနီယံနဲ့ stainless steel တို့ကိုပေါင်းစပ်တည်ဆောက်ထားပါတယ်။ မျက်နှာပြင်က ၅.၅ လက်မအရွယ်အစားရှိပြီး Quad HD AMOLED အမျိုးအစားပါ။ Water-repellant coating သုတ်လိမ်းပေးထားတဲ့အတွက် နေပူ၊ မိုးရွာစိုးရိမ်စရာမလိုပါဘူး။ ကင်မရာကတော့ 13MP High-resolution, Optical image stabilization, laser autofocus တို့ပါဝင်တဲ့ f1.8 ကင်မရာပါ။ အရှေ့ကင်မရာက 5MP ရှိပြီး အလင်းရောင်ကိုပံ့ပိုးပေး မယ့် မျက်နှာပြင် flash ပါဝင်သလိုမိသားစု၊သူငယ်ချင်းများနဲ့အတူ ည အမှောင်မှာ ပုံကောင်းကောင်း ရိုက်နိုင်မယ့် wide angle lens တို့ပါရှိ ပါတယ်။ ပရိုဆက်ဆာအနေနဲ့ Qualcomm Snapdragon 820 processor ပါဝင်ပြီး Memory ကတော့ 4GB ထောက်ပံ့ပေးထားပါတယ်။ 2600 mAh ဘက်ထရီကတစ်နေ့လုံးအနှောက်အယှက်ကင်းကင်းနဲ့ အားပြန်သွင်းစရာမလိုဘဲ ဆက်တိုက်အသုံးပြုနိုင်စွမ်းရှိပါတယ်။

(၂) Moto Z2 Play

Moto Z2 Play ကတော့ အထူ ၅.၉၉ မီလီမီတာရှိတာမို့ Moto Z ထက် နည်းနည်းလေးပိုထူပါတယ်။ ကိုယ်ထည်နဲ့ မျက်နှာပြင်ဖွဲ့စည်းမှုက Moto Z နဲ့အတူတူပဲဖြစ်ပြီး Water-repellent nano-coating သုတ်လိမ်းပေး ထားတာမို့ နေပူမိုးရွာအသုံး ပြုခံနိုင်ပါတယ်။ ကင်မရာအနေနဲ့ 12MP High-resolution, Optical image stabilization, laser autofocus တို့ပါဝင်တဲ့ f1.7 ကင်မရာတပ်ဆင်ပေးထားပါတယ်။ အရှေ့ကင်မရာက 5MP ရှိပြီး အလင်းရောင်ပံပိုးပေးမယ့်မျက်နှာပြင် flash နဲ့ မိသားစု၊ သူငယ်ချင်းတွေနဲ့ ပုံကောင်းကောင်းရိုက်နိုင်သည် wide angle 85 lens တို့ပါရှိပါတယ်။ လျင်လျင်မြန်မြန်ဖွင့်နိုင်တဲ့ လက်ဗွေ Unlock စနစ်လည်း ပါရှိပါတယ်။ အတွင်းပိုင်းမှာ Qualcomm Snapdragon 626 processor နဲ့ 4GB LPDDR3 RAM တို့ပါဝင်ပြီး ဘက်ထရီကတော့ 3000 mAh အထောက်အပံ့ပေးပါတယ်။ ပိုပြီးထူးခြားသွားတာက ၁၅ မိနစ်သွင်းရုံနဲ့ ၇ နာရီအထိအသုံးပြုလို့ရတဲ့ Turbo Charge နည်းပညာပါဝင်လာတာပါ။ နောက်ပြီး Moto Z2 Play မှာနောက်ဆုံးပေါ်နည်းပညာတွေဖြစ်တဲ့ Moto Actions, Moto Voice နှင့် Moto Display များကိုအသုံးပြုလို့ ရပါတယ်။ ၂၀၁၇ ခုနှစ်၊ ဇွန်လမှာထွက်ရှိထားတဲ့ ဖုန်းအသစ်တစ်လုံးပါ။

(၃) Moto E4 Plus

Moto E4 Plus မှာဆိုရင် ၅ လက်မခွဲမျက်နှာပြင်နှင့် မာကြောတဲ့ Metal Body တို့ကိုတွေ့ရမှာဖြစ်ပါတယ်။ ဘက်ထရီ အနေနဲ့ 5000 mAh ဖြစ်တာကြောင့် တော်ရုံတန်ရုံအားကုန်သွားမှာစိုးရိမ်ဖို့မလိုပါဘူး။ ပရိုဆက်ဆာအနေနဲ့ 1.3GHz quad-core MediaTek MTK6737M processor နဲ့ RAM ကတော့ 3 GBထောက်ပံ့ ပေးထားပါတယ်။ ဒေတာ သိုလှောင်နိုင်စွမ်းက Internal 32 GB ရှိပြီး microSD ကနေ 128GB အထိထပ်တိုးချဲ့လို့ရပါတယ်။ အနောက်ကင်မရာက 13MP ဖြစ်ပြီး ရှေ့ကင်မရာကတော့ 5MP ပါ။ Android 7.1.1 ပါဝင်ပြီး အလေးချိန်က ၁၈၁ ဂရမ်လောက်လေးပါတယ်။

(၄) Moto C

Moto C ဟာဆိုရင် ဒီနေ့ခေတ် Smartphone Market မှာသင့်လျော်တဲ့ ဈေးနှုန်းနဲ့ Smart ကျကျအဆင့်မြင့်မြင့်ဖြင့် ကိုင်ဆောင်ဖို့ အသစ်ရောက်ရှိ လာတဲ့ ဖုန်းတစ်လုံးလို့ပြောနိုင်ပါတယ်။ Dual SIM feature ဖြစ်တာမို့ မိမိနှစ်သက်တဲ့ Operator နှစ်မျိုးကိုရွေးချယ်နိုင်မှာဖြစ်တဲ့အပြင် နောက်ဆုံးပေါ် AndroidTM 7.1 ကိုလည်း အသုံးပြုပေးထားပါတယ်။ ပရိုဆက်ဆာအနေနဲ့ Mediatek MT6737M ကို အသုံးပြုထားပြီး RAM ကတော့ 1GB ပါ။ အနောက်ကင်မရာက 5MP နဲ့ အရှေ့ကင်မရာက 2MP ဖြစ်ပါတယ်။ ဘက်ထရီကတော့ 2350 mAh ဖြစ်ပါတယ်။ ဒီနှစ် ဇွန်လမှ ထွက်ရှိထားတဲ့ Motorola ရဲ့ဖုန်းတစ်လုံးဖြစ်ပြီး သူ့ထက် နည်းနည်းလေး ပိုမြင့်တဲ့ Moto C Plus ကိုလည်း ရွေးချယ်ဝယ်ယူနိုင်ပါတယ်။

မင်းသုခ

Mobile Guide Journal (Every Monday)
https://www.facebook.com/officialmobileguidejournal

<<< အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။ >>>

                www.pyaephyo.com