♪ “MPT မှ 150 Mbps အမြန်နှုန်းအထိ ရရှိနိုင်မည့် LTE+ ကွန်ရက်သစ်မိတ်ဆက်” ♫

MPT မှ မြန်နှုန်းနှစ်ဆတိုးမြှင့်လိုက်ပြီး 150 Mbps အမြန်နှုန်းအထိ ရရှိနိုင်မည့် LTE+ ကွန်ရက်သစ် မိတ်ဆက်လိုက်ကြောင်း သတင်း ထုတ်ပြန်ပါသည်။ ၂ ဆတိုးမြန်ဆန်သည့် မိုဘိုင်းဒေတာ အမြန်နှုန်းကို မြို့ကြီး များဖြစ်သည့် နေပြည်တော်၊ ရန်ကုန်နှင့် မန္တလေးမြို့များတွင် အရင်ဆုံးရရှိအသုံးပြုနိုင်မည်ဖြစ်ပြီး နိုင်ငံအနှံ့ အပြားရှိအခြားသော မြို့များတွင်လည်း မကြာမီမိတ်ဆက်ပေးသွားမည်ဖြစ်ကြောင်း သိရသည်။

MPT အနေဖြင့် နောက်ဆုံးပေါ် 4x4 Multiple Input Multiple Output (MIMO) နည်းပညာ ကိုအသုံးပြုပြီး ဆောင်ရွက်ထားသဖြင့် 4G/LTE 2x2 MIMO ထက်ပိုမိုသာလွန်ကောင်းမွန်ကာ ဒေတာ အမြန်နှုန်းကို ယခင်က ထက် ၂ ဆ ပိုမိုမြန်ဆန်စွာ ပေးစွမ်းနိုင်ပြီဖြစ်ပါသည်။ 4x4 MIMO ကို အသုံးပြုထားခြင်း ကြောင့် သုံးစွဲသူ၏ မိုဘိုင်းဆက်သွယ်ရေးပစ္စည်းနှင့် ဆက်သွယ်ရေးတာဝါတိုင်မှ ထုတ်လွှင့်ဖမ်းယူသည့် Cell ပမာဏမှာ ၂ ဆအထိတိုးတက် ဖမ်းယူထုတ်လွှင့်နိုင်ခြင်းဖြစ်သည်။ ယင်းသို့သော လမ်းကြောင်း ၄ ခုကို အသုံးပြုခြင်းဖြင့် ကွန်ရက်အပေါ်မူတည်ပြီး စုပေါင်းကာ အလွန်ပင်လျင်မြန်သည့် အမြင့်ဆုံးသော ဒေတာစီး ဆင်းမှုနှုန်းကို ရရှိအသုံးပြုနိုင်မည်ဖြစ်ပါသည်။

LTE+ အင်တာနက် အမြန်နှုန်းကို ၇၅ Mbps မှ ၁၅၀ Mbps အထိ တိုးမြှင့်ရယူနိုင်စေမည်ဖြစ် သည့်အတွက် အခြားဝန်ဆောင်မှုများ ထက်သာလွန်ကောင်းမွန်သော မိုဘိုင်း အင်တာနက်သုံးစွဲမှု အတွေ့အကြုံကို MPT ၏ LTE+ ကွန်ရက် မှတစ်ဆင့် အကောင်းဆုံးရရှိခံစား အသုံးပြုနိုင် မည်ဖြစ်ကြောင်း သတင်း ထုတ်ပြန်ချက်တွင် ဖော်ပြထားပါသည်။ 


ရဲလင်းလင်းသန်း

Mobile Guide Journal (Every Monday)
https://www.facebook.com/officialmobileguidejournal

<<< အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။ >>>

                www.pyaephyo.com