♪ “ပြည်တွင်းကို ၀င်ရောက်လာတဲ့ နိုင်ငံတကာ Taxi ၀န်ဆောင်မှုတွေရော အောင်မြင်နိုင်မှာလား?” ♫

Taxi စီးနင်းဖို့အတွက် လမ်းမကိုထွက်ငှားစရာမလိုဘဲ အိမ်တိုင်ရာရောက် လာပြီးခေါ်ယူပေးမယ့် Taxi ၀န်ဆောင်မှုစနစ် တွေကို ပြည်တွင်းမှာ စတင်ခဲ့ကြတာတွေရှိနေခဲ့ပြီဖြစ်ပေမယ့် လူတိုင်းအတွက်အဆင်ပြေပြီး အသုံးဝင်တဲ့ အနေအထားတော့ ဖြစ်မလာသေးပါဘူး။ လက်ရှိအချိန်မှာ တော့ ပြည်တွင်းကို နိုင်ငံတကာအခြေစိုက် Taxi ၀န်ဆောင်မှုတွေဖြစ်တဲ့ Grab နဲ့ Uber တို့က ၀င်ရောက်လာခဲ့ပြီဖြစ်ပါတယ်။ Taxi ၀န်ဆောင်မှု တွေ အပေါ် လူတိုင်းလိုအသုံးပြုလာဖို့အတွက် Taxi သမားတွေရဲ့ ပူးပေါင်းပါဝင်မှုနဲ့ ခရီးသည်တွေရဲ့ယုံကြည်မှု၊ ထိုက်တန်တဲ့ဈေးနှုန်း ဖြစ်မှုဆိုတာတွေကို ၀န်ဆောင်ပေးနိုင်ဖို့လည်း လိုအပ်မှာဖြစ်ပါတယ်။

Taxi မောင်းသူအများစုက ဒီလုပ်ငန်းဝန်ဆောင်မှုတွေရယူပြီးရင် အစပိုင်း ပဲ လိုက်နာလုပ်ဆောင်လေ့ရှိကြပြီး နောက်ပိုင်း မှာ စနစ်ထဲကနေ ကောက်ခံတာမျိုး မလုပ်တော့ဘဲ တခြားပြင်ပ Taxi တွေလိုပဲ ပြောင်းလဲ ကောက်ခံကြတာကိုလည်း တွေ့ရပါ တယ်။ Taxi မောင်းသူတွေက ဒီဝန်ဆောင်မှုကုမ္ပဏီတွေကပေးတဲ့ တက်ဘလက်နဲ့ ဖုန်းစတာတွေကို ရရှိတာကြောင့် အစပိုင်းမှာ စနစ်အတွင်း ၀င်ရောက်မောင်းနှင်ပြီး နောက်ပိုင်း မှာတော့ အဆင်ပြေသလိုပဲ ခရီးသည်ကို ၀န်ဆောင်ပေးနေ တယ်လို့ Taxi မောင်းနှင်နေသူတွေ ကိုယ်တိုင်ကပြောကြပါတယ်။

ကုမ္ပဏီတွေအနေနဲ့ စနစ်ထဲမှာ ၀င်ရောက်မောင်းနှင်နေတဲ့ Taxi မောင်းသူတွေကို စနစ်တကျထိန်းသိမ်းနိုင် မှသာ ကုမ္ပဏီရဲ့ ၀န်ဆောင်မှု အပေါ် စီးနင်းသူတွေရဲ့ယုံကြည်မှုကို ရရှိနိုင်မှာဖြစ်ပါတယ်။ Taxi ကုမ္ပဏီ တွေရဲ့ဝန်ဆောင်မှုကို ရယူစီနင်း သူတွေအနေနဲ့ သာမန်ထက်ပိုတဲ့ ၀န်ဆောင်ခကိုပေးဆောင်ကြရတာကြောင့် ပေးဆောင်ရတဲ့ဝန်ဆောင်ခနဲ့ ထိုက်တန်တဲ့ဝန် ဆောင်မှုမျိုး ကုမ္ပဏီတွေဘက်က ပြန်လည်ပေးအပ်နိုင်ဖို့လည်း လိုအပ်မှာပါ။ ပြည်တွင်းကို ၀င်ရောက်လာတဲ့ Taxi ၀န်ဆောင်မှုကုမ္ပဏီနှစ်ခုထဲမှာ UBER အမည်ရလုပ်ငန်းက ရန်ကုန်တိုင်းဒေသကြီး ၀န်ကြီးချုပ်ဦးဖြိုးမင်းသိန်း ကိုယ်တိုင် ဖိတ်ခေါ်ခဲ့တာဖြစ်ပြီး အမေရိက အခြေစိုက်လုပ်ငန်းတစ်ခုဖြစ်ပါတယ်။ Grab ကလည်း စင်ကာပူနဲ့ မလေးရှား နိုင်ငံတွေမှာ နာမည်ကြီးတယ်လို့ သိရပါတယ်။ ဒီလုပ်ငန်းနှစ်ခု ကနေ ပြည်တွင်းမှာပေးမယ်လို့ ကတိပြုထားတဲ့ ၀န်ဆောင်မှုတွေကို လေ့လာ ကြည့်ရအောင်ပါ .....

<Grab ဆိုတာဘာလဲ။>

Grab ဆိုတဲ့ Taxi ၀န်ဆောင်မှုကို ၂၀၁၂ခုနှစ်အတွင်း မလေးရှားနိုင်ငံမှာ စတင်ခဲ့တာဖြစ်ပါတယ်။ အခုဆိုရင် အရှေ့ တောင်အာရှရဲ့ ထိပ်တန်း အငှားယာဉ် ၀န်ဆောင်မှုတစ်ခုဖြစ်လာခဲ့ပြီး ဒေသတွင်းမှာရှိတဲ့ လူသန်း ပေါင်း ၆၂၀ခန့်က အသုံးပြုနေတဲ့ ၀န်ဆောင်မှုပဲဖြစ်ပါတယ်။ Grab ရဲ့ အငှားယာဉ်ဝန်ဆောင်မှုကို စင်ကာပူနိုင်ငံ၊ အင်ဒိုနီးရှားနိုင်ငံ၊ ဖိလစ်ပိုင် နိုင်ငံ၊ မလေးရှားနိုင်ငံ၊ ထိုင်းနိုင်ငံနဲ့ ဗီယက်နမ်နိုင်ငံတို့မှာ ရရှိနေပြီဖြစ်ပြီး အခုဆိုရင် မြန်မာနိုင်ငံမှာ စတင်တော့မှာဖြစ်ပါတယ်။ မြို့ကြီး ၃၉ မြို့မှာ ယာဉ်မောင်းအယောက် ၇၁၀,၀၀၀ က ၀န်ဆောင် ပေးနေတဲ့ Grab Application ကို Download ဆွဲယူတဲ့ အရေ အတွက်ကလည်း ၃၆ သန်း အထိ ရှိနေပြီလို့ သိရပါတယ်။

<ပြည်တွင်းမှာ စမ်းသပ်ပြေးဆွဲနေ>

Grab ကို လက်ရှိအချိန်မှာပဲ အငှားယာဉ်မောင်းအနည်းစုနဲ့ စမ်းသပ် ပြေးဆွဲ နေပြီဖြစ်ပြီး အငှားယာဉ်မောင်းတွေနဲ့ ခရီးသည်တွေရဲ့ အကြံပြု တုံ့ပြန်ချက်တွေပေါ်မူတည်ပြီး ၀န်ဆောင်မှုကို တဖြည်းဖြည်း တိုးတက် လာစေမယ်လို့ သိရပါတယ်။ Grab Application အသုံးပြုလိုတဲ့ ယာဉ်ပိုင်ရှင် တွေအနေနဲ့လည်း မိမိတို့ရဲ့ယာဉ်အမှတ်ကို ဖုန်းနံပါတ် ၀၉၇၆၅၄၀၀၄၅၀ ထံ SMS ပို့ပြီး စာရင်းပေးသွင်းနိုင်မှာဖြစ်ပါတယ်။ ယာဉ်တွေရဲ့အရည်အသွေး၊ ယာဉ်မောင်းတွေရဲ့ဝန်ဆောင်မှုနဲ့ ယာဉ်အန္တရာယ်ကင်းရှင်းရေးစံနှုန်းတွေ မြှင့်တင်ဖို့အတွက်ကိုလည်း အလေးပေးဆောင်ရွက်မှာဖြစ်သလို ယာဉ်မောင်းတွေအပေါ် အရည် အသွေးစစ်ဆေးတာတွေ၊ လေ့ကျင့်သင်တန်းပေးတာတွေနဲ့ ယာဉ်ကို စစ်ဆေးမှု စတဲ့အစီအစဉ်တွေလည်း လုပ်ဆောင်ဖို့ရှိတယ်လို့ Grab မှ ဆိုထားပါတယ်။ ဥပမာတစ်ခုအနေနဲ့ပြောရရင် Grab ယာဉ်မောင်း အားလုံးက အဲကွန်းဖွင့်ပြီး မောင်းရမယ်ဆိုတာမျိုးဖြစ်ပါတယ်။

<ကိုယ်ပိုင်မြေပုံစနစ်အသုံးပြုထား>

Grab အနေနဲ့ ကောင်းမွန်တဲ့ဝန်ဆောင်မှုတွေကို အချိန်နှင့်တစ်ပြေး ညီပေးနိုင်ဖို့အတွက် ရရှိလာတဲ့ အချက်အလက်တွေ ပေါ်မူတည်ပြီး နည်းပညာအသုံးပြုကာ သုံးသပ်တွက်ချက်ပေးပါတယ်။ ဥပမာအနေနဲ့ ပြောရမယ်ဆိုရင် အင်ဒိုနီးရှားနိုင်ငံရဲ့ အဓိကအကျဆုံးမြို့တော်ဖြစ်တဲ့ ဂျာကာတာမြို့တော်မှာတောင် တချို့ဆိုင်နေရာတွေက မြေပုံမှာမပေါ် ပါဘူး။ ဒါကြောင့် သာမန်မြေပုံကို အသုံးမပြုဘဲ ကိုယ်တိုင်တီထွင်ပြုလုပ် ထားတဲ့ မြေပုံကိုအသုံးပြုတယ်လို့ သိရပါတယ်။ ဒီလိုကိုယ်ပိုင်မြေပုံကို ထုတ်လုပ်ခြင်းအားဖြင့် ခရီးသည်ခေါ်ယူတဲ့အချိန်တွေ၊ ခရီးသည်အတင် အချပြုလုပ်တာတွေအတွက် အထောက်အကူပြု စေနိုင် မှာဖြစ်ပြီး ခရီးသည်တွေအနေနဲ့လည်း အငှားယာဉ်တွေကို လွယ်လွယ်ကူကူပဲ ရှာဖွေ နိုင်မှာဖြစ်ပါတယ်။

<Grab နဲ့လက်တွဲတဲ့ Taxi တွေ ၀င်ငွေပိုကောင်းနိုင်>

Grab Taxi ကို စီးနင်းမယ့်သူတွေအတွက် ဈေးနှုန်းသတ်မှတ် တယ်ဆို တဲ့နေရာမှာ ငှားရမ်းတဲ့သူသွားမယ့် အကွာအဝေး အလိုက်ပဲ ကောက်ခံ မှာဖြစ်ပြီး Grab နဲ့အကျိုးတူ လုပ်ဖော်ကိုင်ဖက် ယာဉ်မောင်းတွေရဲ့ စစ်တမ်းကောက်ခံမှုအရ Grab ၀န်ဆောင်မှုကိုစတင်အသုံးပြုတဲ့ အချိန် ကစပြီး နေ့စဉ်ဝင်ငွေ ၃၅ ရာခိုင်နှုန်း တိုးတက်လာတယ်လို့ သိရပါတယ်။ အငှားယာဉ် မောင်းတွေအနေနဲ့ လမ်းဘေးမှာရပ်ပြီး အချိန်ကြာမြင့်စွာ ခရီးသည်စောင့်ဆိုင်းနေရတာတွေ၊ လမ်းပေါ်မှာခရီးသည်ရဖို့ ပတ်မောင်း နေရတာတွေကနေ ကင်းဝေးစေမှာဖြစ်လို့ ယာဉ်မောင်းတွေရဲ့ ၀င်ငွေကို တိုးတက်စေပြီး ယာဉ်ကြောပိတ်ဆို့မှုကိုလည်း လျှော့ချပေး နိုင်လိမ့်မယ် လို့လည်း Grab ကမျှော်မှန်းထားပါတယ်။

<UBER ဆိုတာဘာလဲ>

UBER ဆိုတာကလည်း အက်ပလီကေးရှင်းကနေတစ်ဆင့် ခလုတ် တစ်ချက် နှိပ်လိုက်တာနဲ့ ယာဉ်စီးနင်းလို့ရအောင် ဖန်တီးထားတဲ့ Taxi ၀န်ဆောင်မှုပဲဖြစ်ပါတယ်။ ၂၀၁၀ ပြည့်နှစ်မှာစတင်ခဲ့ပြီး ၇နှစ်အတွင်း ကမ္ဘာ့မြို့ကြီးပေါင်း ၄၅၀ ကျော်ဆီကို ပျံ့နှံ့ရောက်ရှိခဲ့ပြီးဖြစ်ပါတယ်။ မြန်မာနိုင်ငံက UBER ရဲ့ ၇၆ခုမြောက် လုပ်ငန်းဝန်ဆောင်မှု ဆောင်ရွက် တဲ့ နိုင်ငံဖြစ်တယ်လို့လည်း သိရပါတယ်။ Uber ကိုအသုံးပြုသွားလာနေတဲ့ ခရီးစဉ်ပေါင်းအနေနဲ့ နေ့စဉ်ပျမ်းမျှ ၅သန်းကျော်ရှိပြီး လစဉ်ပုံမှန်စီးနင်း နေသူ ကတော့ သန်း ၄၀ ကျော်ရှိနေပါတယ်။ UBER ကုမ္ပဏီမှာ စာရင်း ပေးပြီး ၀န်ဆောင်ပေးနေတဲ့ Taxi မောင်းသူပေါင်း ၁.၅ သန်းကျော် ရှိနေပြီဖြစ်ပြီး လုံခြုံစိတ်ချရမှု၊ သက်သောင့်သက်သာရှိမှုနဲ့ ယုံကြည် အားထားရတဲ့ ယာဉ်စီးနင်းမှုတွေကို ဖော်ဆောင် ပေးမယ်လို့လည်း သိရပါတယ်။ လမ်းကြောင်းတူ ခရီးသည်တွေ ဝေမျှစီးနင်းလို့ရတဲ့ Uber POOL လို ဆန်းသစ်တီထွင်မှုတွေက ယာဉ်ကြောပိတ်ဆို့မှုတွေကို တစ်ဖက်တစ်လမ်းကနေ ဖြေရှင်းပေးနိုင်မယ်လို့လည်း Uber က မျှော်လင့် ထားပါတယ်။

<UBER ကိုစသုံးမယ်ဆိုရင်>

UBER အက်ပလီကေးရှင်းကို ရယူဖို့ဆိုရင်တော့ Apple store ဒါမှမဟုတ် Google play ကနေ အခမဲ့ Download ရယူနိုင်မှာဖြစ်ပါတယ်။ ပြီးရင် မိမိရဲ့ဖုန်းနံပါတ်နဲ့ အီးမေးကိုသုံးပြီး Sign up ပြုလုပ်ပါ။ သွားလိုတဲ့ လမ်းကြောင်းကို Request လုပ်ပြီး မိနစ်ပိုင်းအတွင်း ယာဉ်ရောက်ရှိလာ ပါလိမ့်မယ်။ ခရီးစဉ်ပြီးဆုံးတဲ့အခါ ငွေသား ဒါမှမဟုတ် credit ကတ်နဲ့ ကျသင့်ငွေကို ပေးချေနိုင်မှာဖြစ်ပါတယ်။ လက်ရှိအချိန်ထိ ခရီးစဉ်ပေါင်း ၂ဘီလီယံကျော် ပြေးဆွဲပြီးဖြစ်ကြောင်းလည်း သိရပါတယ်။

<Taxi ၀န်ဆောင်မှုတွေနဲ့ ရန်ကုန်တိုင်းဒေသကြီး ဆက်စပ်မှု>

အဆိုပါ Taxi ၀န်ဆောင်မှုတွေနဲ့ ပတ်သက်ပြီး ရန်ကုန်တိုင်းဒေသကြီး အစိုးရနဲ့လည်း နားလည်မှုစာချွန်လွှာရေး ထိုးသွားဖို့လည်း စီစဉ်နေ တယ်လို့သိရပါတယ်။ UBER ကို ပြည်တွင်းကို ဖိတ်ခေါ်ခဲ့တဲ့ ရန်ကုန်တိုင်း ဒေသကြီး ၀န်ကြီးချုပ် ဦးဖြိုးမင်းသိန်းက UBER မိတ်ဆက်ပွဲကို တက်ရောက်ခဲ့ပြီး အဆိုပါပွဲမှာ UBER ကို ဘာကြောင့်ဖိတ်ခေါ်ခဲ့ ရတယ်ဆိုတာနဲ့ ရန်ကုန် တိုင်းဒေသကြီး အစိုးရအဖွဲ့က ဆက်လုပ်သွား မယ့် လုပ်ငန်းစဉ်တွေကို မိတ်ဆက်ပြောကြားခဲ့ပါသေးတယ်။

<ပြည်တွင်းမှာ Taxi အသင်းရယ်လို့ စနစ်တကျမရှိလို့ ပြည်ပလုပ်ငန်းတွေကို ဖိတ်ခေါ်ခဲ့တာဟုဆို>

ပြည်တွင်းမှာ Taxi အသင်းရယ်လို့ စနစ်တကျ ဖွဲ့စည်းထားတာ မျိုးမရှိ သေးလို့ Taxi တွေအပေါ် စီးနင်းသူတွေဘက်က ယုံကြည်မှုမရှိ သလို မောင်းသူတွေနဲ့စီးနင်းသူတွေ အပြန်အလှန်ယုံကြည်မှုအားနည်းနေ တာကြောင့် ယုံကြည်စိတ်ချရမှုကို အဓိက အလေးထား ၀န်ဆောင်ပေး နေတဲ့ Taxi ၀န်ဆောင်မှုကုမ္ပဏီတွေကို ဖိတ်ခေါ်ခဲ့တာဖြစ်တယ်လို့ ရန်ကုန်တိုင်းဒေသကြီး ၀န်ကြီး ချုပ်ဦးဖြိုးမင်းသိန်းက ဆိုပါတယ်။

<ဦးဖြိုးမင်းသိန်းရဲ့စကားသံအချို့>

ကျွန်တော်တို့ရန်ကုန်တိုင်းဒေသကြီးအစိုးရအဖွဲ့အနေနဲ့ ခရီးသည် တွေရဲ့အသံတွေ ခရီးသည်တွေရဲ့ အမြင်တွေကို လည်း နားထောင်ခဲ့ ပါတယ်။ Taxi အသင်းတွေရဲ့ အခြေအနေကိုလည်း နားထောင်ပါတယ်။ Taxi အသင်းတွေက နည်းပညာပိုင်း ဆိုင်ရာနဲ့ ဆက်သွယ်ပေးတာမျိုးကို သိပ်ပြီးကြိုက်ပုံမရပါဘူး။ ဒါပေမယ့် စီးသူတွေတော်တော်များများကတော့ အခုလို Taxi နဲ့ စီးမယ့်သူတွေကြားမှာ ကောင်းမွန်တဲ့ဝန်ဆောင်မှုတစ်ခု ရှိတယ်ဆိုတာကို ပိုပြီးလိုလားကြပါတယ်။ သူတို့အတွက် ၀န်ဆောင်မှု ပိုကောင်းလာမယ်ဆိုရင် Taxi စီးသူတွေက နည်းပညာနဲ့ ဆက်သွယ်ပေးမှု တွေကို ပိုပြီးလိုလားကြပါတယ်။ ကျွန်တော့်ရဲ့အင်္ဂလန်၊ ပြင်သစ်ခရီးစဉ်မှာ ဌာနပေါင်းများစွာကို လေ့လာဖြစ်ခဲ့ပါတယ်။ လေ့လာခဲ့တဲ့ထဲမှာ Yangon Transport Authority ရဲ့ ပြုပြင်ပြောင်းလဲမယ့်ထဲမှာ Bus ကားစနစ် ပြုပြင်ပြောင်းလဲဖို့၊ နောက်တစ်ခုက Water Bus အနေနဲ့ ရေကြောင်း ကနေ ခရီးသည်တွေ ပို့ဆောင်ဖို့ ၊ နောက်တစ်ခုက Taxi ကို စနစ်တကျ ပြုပြင်ပြောင်းလဲဖို့ပါ။

နည်းပညာနဲ့ပတ်သက်ပြီး ပြုပြင်ပြောင်းလဲနိုင်တဲ့ အခြေအနေတစ်ခုကို တွေ့ရပါတယ်။ ကျွန်တော်တို့မှာ Taxi အသင်းရယ်လို့ ခိုင်ခိုင်မာမာ မရှိပါဘူး။ အစိုးရအဖွဲ့သစ် တာဝန်ယူခဲ့တဲ့ကာလအတွင်းမှာ Taxi တွေက တရားဝင် Register မလုပ် ထားတဲ့ Taxi တွေများတာ တွေ့ရပါတယ်။ City Taxi ဆိုပြီး အမည်းရောင်ပလိတ်ပြားလေး တပ်ထားတဲ့ Taxi တွေ ကိုပဲ တွေ့ရပြီး Taxi စီးတဲ့ခရီးသည်တွေနဲ့ မောင်းတဲ့သူတွေကြားမှာ ယုံကြည်မှုပျက်ပြားနေတာကိုလည်းတွေ့ရပါတယ်။ မိန်းကလေး တွေ ဆိုရင်လည်း သွားရလာရတာ လုံခြုံစိတ်ချရမှုမရှိဘူး။ ဒါတွေက နှစ်ဖက် စလုံးမှာ ဖြစ်နေတာပါ။ မောင်းသူအတွက်လည်း လုံခြုံမှုမရှိတဲ့ အခြေအနေ တစ်ရပ်ဖြစ်နေ တဲ့အနေအထားမှာ နည်းပညာကိုသုံးပြီး လုံခြုံမှုကိုရစေမယ့် အခြေအနေတစ်ရပ်ကို နည်းပညာနဲ့ ဆောင်ရွက်မယ့် Taxi ၀န်ဆောင်မှုလုပ်ငန်းတွေကို ကျွန်တော့်အနေနဲ့ ဖိတ်ခေါ်ခဲ့ပါတယ်။ အဲဒီလိုဖိတ်ခေါ်ခဲ့ တဲ့အထဲမှာ Taxi ၀န်ဆောင်မှုတစ်ခုဖြစ်တဲ့ Uber လည်း အပါအ၀င်ဖြစ်ပါတယ်။ Uber က တစ်ကမ္ဘာလုံးမှာတော့ အမေရိကန် အခြေစိုက်ပြီး နည်းပညာတီထွင်ဆန်းသစ်မှုတွေကို လုပ်ကိုင်နေတဲ့ လူငယ်အဖွဲ့လည်းဖြစ်ပါတယ်။ တခြား Taxi ၀န်ဆောင်မှု လုပ်ငန်း လုပ်မယ့် သူတွေအားလုံးကလည်း တိုင်းဒေသကြီးအစိုးရအဖွဲ့ ဒါမှမဟုတ် Yangon Transport Authority နဲ့ သဘောတူညီမှုနားလည်မှုတစ်ရပ်ကို ကျွန်တော်တို့ဆောင်ရွက်သွားမှာဖြစ်ပါတယ်။ ဆက်လက်ဆောင်ရွက် ဖို့လည်း ပြင်ဆင်နေပါတယ်။ ပွင့်ပွင့်လင်းလင်းပြောရရင် ကျွန်တော်တို့ နိုင်ငံမှာ နည်းပညာအားနည်းခဲ့ပါတယ်။ ဒါကြောင့်လည်း နည်းပညာ ပိုင်းဆိုင်ရာ အဖွဲ့အစည်းတွေနဲ့ပူးပေါင်းပြီးလုပ်ဖို့ ကျွန်တော်တို့ဘက်က နားလည်မှုစာချွန်လွှာကို လက်မှတ်ရေးထိုးနိုင်ဖို့ ဆက်လက်လုပ်ဆောင် မှာဖြစ်ပါတယ်။

နိုင်ငံတကာက ကုမ္ပဏီတွေဘက်ကတော့ အဆင်သင့် ဖြစ်နေတာပါပဲ။ ကျွန်တော်တို့ဘက်က ဘယ်သူ့ကို မှ ပိုလွန်တဲ့အနေအထားမဟုတ်သလို ဘယ်သူ့ကိုမှ နှိပ်ကွပ်ထားတဲ့ အနေအထားမဟုတ်တဲ့ အခြေအနေ တစ်ခုကို ကျွန်တော်တို့ တည်ထောင်ဖို့လိုပါတယ်။ နိုင်ငံခြား ခရီးသွား တွေအတွက်ပါ အဆင်ပြေမယ့် ကောင်းမွန်တဲ့ Taxi ၀န်ဆောင်မှုတစ်ခုကို Uber အနေနဲ့ အရှေ့တောင်အာရှမှာ မြန်မာနိုင်ငံအပါအ၀င် အကောင်းဆုံး စံနမူနာအနေနဲ့ ဆောင်ရွက်နိုင်မယ်လို့ မျှော်လင့်ပါတယ်။ Uber ပြည်တွင်းမှာ စတင်တော့မယ်ဆိုတာက နိုင်ငံအတွက်လည်း ကောင်းမွန်သလို အမေရိကန်နဲ့ မြန်မာရဲ့ဆက်ဆံရေး အတွက်လည်း ပိုမိုကောင်းမွန်တဲ့ ခြေလှမ်းသစ်တွေ မှတ်တိုင်သစ်တွေ ထူထောင်ပေးနိုင် မယ်လို့ ယူဆပါတယ်။

<ပြည်တွင်းမှာလည်း Taxi ၀န်ဆောင်မှုတချို့ရှိနေ>

ပြည်ပကနေ၀င်ရောက်လာတဲ့ Taxi ၀န်ဆောင်မှုလုပ်ငန်းတွေ မတိုင်ခင် ကလည်း ပြည်တွင်းမှာ Oway နဲ့ Hello cabs လိုမျိုး Taxi ၀န်ဆောင်မှု လုပ်ငန်းတွေ ရှိနေခဲ့ပါတယ်။ ပြည်တွင်းလုပ်ငန်းတွေအနေနဲ့ စီးနင်းသူ အတန်အသင့်ရရှိနေပေမယ့် တခြား Taxi တွေကို ငှားရမ်းခထက် အနည်းငယ်ပိုပေးရတာကြောင့် တော်တော်များများ စီးနင်းသူတွေ ကတော့ Taxi ၀န်ဆောင်မှုကုမ္ပဏီက ကားတွေကို မဖြစ်မနေလိုအပ်တဲ့ အခြေအနေမျိုးမှာသာ စီးနင်းကြတာကို တွေ့ရပါတယ်။ လက်ရှိပြည်ပ ကနေ ၀င်ရောက်လာတဲ့ UBER နဲ့ Grab ၀န်ဆောင်မှုတွေကလည်း စမ်းသပ်ပြေးဆွဲမှုတချို့ရှိနေပြီဖြစ်ပြီး ပြည်တွင်းက Taxi ကုမ္ပဏီတွေနဲ့ ဈေးနှုန်းပိုင်း အတူတူလောက်ပဲရှိတယ်လို့ သိရပါတယ်။ ဒါပေမယ့် ကုမ္ပဏီတွေရဲ့ Taxi တွေက အိမ်တိုင်ရာရောက် အနီးစပ်ဆုံးနေရာအထိ လာရောက်ခေါ်ယူပေးတဲ့ ၀န်ဆောင်မှုကြောင့် ပုံမှန်လမ်းမပေါ်ထွက် ငှားတဲ့ Taxi တွေနဲ့ယှဉ်ရင် ဈေးနှုန်း နည်းနည်း ပိုပေးရမှာဖြစ်ပါတယ်။ ညပိုင်းအချိန်တွေနဲ့ အပြင်ကိုထွက်ပြီး Taxi ငှားရမ်းဖို့ အခက်အခဲရှိတဲ့ နေရာ တွေအတွက် တော့ အိမ်တိုင်ရာရောက်လာခေါ်ပေးတဲ့ Taxi ၀န်ဆောင်မှုတွေက ပိုပြီးအဆင်ပြေစေနိုင်ပါတယ်။

အထူးသဖြင့် မိန်းကလေးတွေနဲ့ အသက်ကြီးပိုင်းတွေ၊ တန်ဖိုးကြီးပစ္စည်း မေ့ကျန်သူ တွေအတွက်လည်း ဒီလိုမျိုး Taxi ၀န်ဆောင်မှုတွေကို စီးနင်းတာက ပိုပြီး စိတ်ချလုံခြုံမှုရှိစေတာဖြစ်ပါတယ်။ Taxi ၀န်ဆောင်မှုကုမ္ပဏီတွေဆီမှာ register လုပ်ထားတဲ့ Taxi တွေအနေနဲ့ စည်းကမ်း လိုက်နာပြီး ၀န်ဆောင်မှု ကောင်းမွန်အောင်တော့ Grab နဲ့ UBER ကို ၀န်ဆောင်ပေး နေသူတွေက လုပ်ဆောင်ပေးဖို့ လိုအပ်မှာဖြစ်ပါတယ်။ Grab နဲ့ UBER တို့ရဲ့ ၀န်ဆောင်မှုပြည်တွင်းမှာ အောင်မြင်မှုရနိုင်မလားဆိုတာကတော့ ဆက်လက် စောင့်ကြည့်ရမှာပဲဖြစ်ပါတယ်။


ရဲလင်းလင်းသန်း

Mobile Guide Journal (Every Monday)
https://www.facebook.com/officialmobileguidejournal

<<< အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။ >>>

                www.pyaephyo.com