♪ မိုဘိုင်းဖုန်းနဲ့ မှောင်တဲ့အချိန်မှာ ဓာတ်ပုံတွေ ဘယ်လိုရိုက်ကူးမလဲ ♫

ဖုန်းနဲ့ ဓာတ်ပုံတွေ ရိုက်ကူးတဲ့အခါမှာ အချို့ဓာတ်ပုံရိုက်ဝါသနာ ရှင်တွေအနေနဲ့ ညဘက် ဓာတ်ပုံတွေကို ရိုက်ကူးချင်ကြပါတယ်။ ဒါပေမဲ့ ဖုန်းတွေမှာ ညဘက် ရိုက်ဖို့အတွက် အချို့ဖုန်းတွေမှာ နည်းပညာကြောင့် အခက်အခဲတချို့ ရင်ဆိုင်ကြရပါတယ်။ နည်းပညာ အခက်အခဲမှာ ဖုန်းမှာပါဝင်တဲ့ နည်းပညာကြောင့် အခက်အခဲဖြစ်နုိုင်သလို ဓာတ်ပုံပညာ ရပ်ဆိုင်ရာ နည်းပညာရပ်တွေကို လေ့လာမှုနည်းလို့ ရင်ဆိုင်ရတဲ့ အခက်အခဲတွေရှိကြတာကို တွေ့ကြရပါတယ်။ ဒါကြောင့် အခုဆောင်းပါးမှာ မိုဘိုင်းဖုန်းအသုံးပြုပြီး Professional ဓာတ်ပုံကောင်းတွေ ရဖို့အတွက် ဘယ်လိုရိုက်ကူးမလဲ ဆိုတာတွေကို အချက်အချို့နဲ့ ဖော်ပြပေးသွားပါ မယ်။

မှောင်နေတဲ့အချိန်မှာ ဓာတ်ပုံတွေကို ဘယ်လိုရိုက်မလဲ


စမတ်ဖုန်းကိုင်ထားတဲ့ လူတော်တော်များများက မှောင်နေတဲ့အချိန် ဓာတ်ပုံရိုက်ရင် အလင်းအမှောင်ကို ထိန်းချုပ် ရိုက်ကူးတဲ့အခါ အချို့စမတ်ဖုန်းတွေက အလိုအလျောက် ချိန်ညှိပေးတဲ့အတွက် တစ်ခါတလေမှာ မှောင်နေတဲ့အချိန်ရိုက်တဲ့ ဓာတ်ပုံတွေမှာ ဖွယ်နေပြီး လူရုပ်တွေက သေချာမသဲကွဲတဲ့အဖြစ်မျိုး ကြုံဖူးကြသလို ပတ်ဝန်းကျင် အနေအထား လှပမှုတွေကို ရိုက်ကူးတဲ့အခါမှာလည်း ဓာတ်ပုံက အရည်အသွေး မကောင်းဘဲ တန်းမဝင်တဲ့ ဓာတ်ပုံတွေကိုသာ ရရှိကြပါတယ်။ နောက်ပိုင်း စမတ်ဖုန်းတွေမှာ ကင်မရာရဲ့ အရည်အသွေးတွေကို မြှင့်တင်လာပြီး ညဘက်ကောင်းကောင်း ရိုက်နိုင်အောင် နည်းပညာအရ ဖန်တီးလာကြပါတယ်။ အလိုအလျောက် ချိန်ညှိပေးတဲ့အတွက် ထင်သလောက် ကွာလတီကို မရနိုင်ဘဲ ရှိနေပါတယ်။ ဒါကြောင့် ညဘက်မှာ လူပုံကိုပဲရိုက်ကူးတာပဲဖြစ်ဖြစ်၊ ရှုခင်းတွေ လှပတဲ့မြို့တွင်းပုံတွေ ရိုက်ကူးတာပဲ ဖြစ်ဖြစ်မှာ အကောင်းဆုံးကတော့ Manual စနစ်နဲ့ ရိုက်ကူးခြင်းက အကောင်းဆုံးပဲ ဖြစ်ပါတယ်။ အဲ့ဒီလိုရိုက်ကူးတဲ့အခါမှာ Tripod သုံးရင် ပိုမိုအဆင်ပြေစေပါတယ်။ ဓာတ်ပုံအယူအဆအတွက် ဆိုရင်တော့ နေ့ဘက်မှာ ရိုက်ကူးတဲ့ ဓာတ်ပုံတွေထက် ပိုပြီးတော့ နည်းစနစ်တွေ ပိုမိုအသုံးပြု ရိုက်ကူးရပါတယ်။ ညဘက်မှာ ရိုက်ကူးတဲ့ ဓာတ်ပုံတွေဟာ ထူးထူးဆန်းဆန်းတွေ၊ မှော်ဆန်ဆန်တွေနဲ့ Romatic ဆန်ဆန်တွေကို ရှာဖွေရိုက်ကူးရမှာဖြစ်ပါတယ်။ အချို့သော ပုံရိပ်တွေဟာ နေ့တစ်နေ့ရဲ့ ညဘက်မှာ ဖြစ်ပေါ်သွားတဲ့ ပြောင်းလဲမှုတွေကို ဖမ်းယူထားနိုင်မှာ ဖြစ်ပါတယ်။

၁။ ကင်မရာလုပ်ဆောင်ချက်တွေ လေ့လာပါ။


မိုဘိုင်းဖုန်းကင်မရာနဲ့ မှောင်နေတဲ့အချိန် ဓာတ်ပုံရိုက်တော့မယ်ဆိုရင် အရင်ဆုံးအမှောင်ထဲမှာ ဘယ်လိုရိုက်ကူးရမလဲဆိုတာနဲ့ ဘယ်လိုရိုက်ကူးလိုက်ရင် ဘယ်လိုပုံထွက်တယ်ဆိုတာကို လေ့လာထားဖို့ လိုအပ်ပါတယ်။ အကြောင်းအရင်းက ကိုယ့်ရိုက်မယ့် ရှုခင်းနေရာ မှာပဲဖြစ်ဖြစ်၊ လူပုံကိုရိုက်ကူးတဲ့ အခါမှာပဲဖြစ်ဖြစ် အမှောင်က ဘယ်လောက်ပမာဏ ရှိနေပြီး လင်းအောင် Shutter Speed ဘယ်လောက်ထားပြီး ရိုက်ကူးရမယ်ဆိုတာကို လေ့လာထားရပါမယ်။ ဖုန်းကင်မရာ တွေမှာ ပါဝင်တဲ့ Camera Manual စနစ်က shutter speed က ဘယ်အတိုင်းတာအထိ လုပ်နိုင်လည်းဆိုတာကို ဓာတ်ပုံတွေ အစမ်းရိုက်ကူးရင်နဲ့ လေ့လာနိုင်ပါတယ်။ အဲလိုမှ ကိုယ်တကယ်လိုချင်တဲ့ အလင်းအမှောင်နဲ့ ရုပ်ထွက်တွေကို ချိန်ညှိကစားသွားနိုင်ပါတယ်။ အဓိကကတော့ Shutter Speed နဲ့ ISO ကို လိုသလို ချိန်ထိုးကစားနိုင်ပြီး ဓာတ်ပုံအရည်အသွေးကို လေ့လာနိုင်ပါတယ်။ အချို့ကတော့ မိုဘိုင်းဖုန်းမှာပါတဲ့ auto စနစ်ကိုပဲထားပြီး ရိုက်ကူးလိုက်တဲ့အတွက် ဦးနှောက်ခြောက်စရာ မလိုပါဘူး။ ဒါပေမဲ့ ဖုန်းကင်မရာက ထုတ်ပေးတဲ့ ဓာတ်ပုံကွာလတီကိုပဲ ရှိမှာပါ။ အခုနကလို Shutter Speed နဲ့ ISO တွေ ချိန်ထိုးကစားပြီး ရိုက်ကူးမယ်ဆိုရင်တော့ မဖြစ်မနေ Tripod နဲ့ ဖုန်းကို တပ်ဆင်ရိုက်ကူး သင့်ပါတယ်။ ဖုန်းတင်ပြီး ရိုက်တဲ့ Tripod က ဈေး ကွက်ထဲမှာ ဈေးသိပ်မများဘဲ ဝယ်ယူနိုင်ပါတယ်။

၂။ Exposure Level ကို လျှော့ချခြင်း


မှောင်တဲ့အချိန်ဓာတ်ပုံတွေကို ရိုက်ကူးတဲ့အခါမှာ ဓာတ်ပုံပညာအရ ဘယ်အရာတွေကို ရိုက်ကူးမယ်ဆိုတာ အများကြီးမူတည် ပါတယ်။ ရိုးရိုး Night Life ဓာတ်ပုံတွေလား Night Life ဓာတ်ပုံတွေမှာမှ ဓာတ်ပုံပညာ ကို ထည့်သွင်း ရိုက်ကူးမလားဆိုတဲ့ ကိုယ်ပိုင် ဆုံးဖြတ်ချက်တွေအရ ကင်မရာမှာ အသုံးပြုမယ့် exposure level တွေကလည်း မတူညီနိုင်တာ ကို တွေ့ရပါတယ်။ ရိုးရိုးဓာတ်ပုံတွေမှာတော့ လင်းအားကောင်းကောင်းနဲ့ ပတ်ဝန်းကျင်မှာရှိနေတဲ့ အရာတွေအားလုံးကို ထင်ရှားစွာမြင်နိုင်အောင် ရိုက်ကူးဖို့အတွက် Exposure များများထားပြီး ရိုက်ကူးကြပေမယ့် ဓာတ်ပုံပညာကို ထည့်ပြီး ရိုက်ကူးမယ်ဆိုရင်တော့ အမှောင်ထားသင့်တဲ့ နေရာလေးတွေမှာထား အလင်းပါသင့်တဲ့ နေရာမှာအလင်းထည့်ပြီး ရိုက်ကူးရတာကြောင့် ဓာတ်ပုံတစ်ပုံလုံး လင်းနေဖို့တော့ မလိုအပ်တာကို တွေ့ရပါတယ်။ ဒါကြောင့် အဲလိုဓာတ်ပုံတွေအတွက် Exposure တွေ အများကြီး ထည့်စရာမလိုဘဲ Exposure Level ကို လျှော့ပြီး ကိုယ်လိုချင်တဲ့ အလင်းအမှောင်နဲ့ ဓာတ်ပုံကောင်းတစ်ပုံကို ရိုက်ကူးနိုင်ပါ တယ်။

၃။ အမှောင်နေရာတွေ ချန်ရိုက်ကူးခြင်း


ဓာတ်ပုံပညာမှာ ဓာတ်ပုံတစ်ပုံလုံး လင်းနေရမယ်လို့ မဆိုလိုထားပါဘူး။ လင်းသင့်တဲ့နေရာတွေ လင်းထားပြီး မှောင်ထားသင့်တဲ့ နေရာတွေမှာ မှောင်နေခြင်းက  ရသတစ်ခုကို ပေးမှာဖြစ်ပါတယ်။ ညဘက် Street photo တွေ ရိုက်ကူးတဲ့အခါ လမ်းမီးတိုင်တွေနဲ့ မှောင်နေတဲ့ အခြမ်းတွေကို ရှာဖွေပြီး မှောင်တဲ့နေရာတွေကို ချန်ထားရိုက်ကူး ကြပါတယ်။ ဓာတ်ပုံတစ်ပုံရဲ့ ဘောင်ဘေးပတ်ဝန်းကျင်မှာ မှောင်နေပြီး ဓာတ်ပုံရဲ့ အလယ်မှာပဲဖြစ်ဖြစ်၊ ဓာတ်ပုံပေါ်ထောင့်ကနေ အလင်းဖြာကျတဲ့ ပုံစံမျိုးပဲဖြစ်ဖြစ် ပုံဖော်ရိုက်ကူး တတ်ကြပါတယ်။ ဒါကြောင့် ဓာတ်ပုံပညာမှာ အမှောင်တွေရဲ့ အားကို ထည့်သွင်းရိုက်ကူးခြင်းဟာ လည်း ဓာတ်ပုံကိုကြည့်ရှုသူက အရသာတစ်ခုကို ခံစားရမှာပဲဖြစ်ပါ တယ်။

၎။ ဖွာနေတဲ့ဓာတ်ပုံတွေမဖြစ်အောင် ရိုက်ကူးခြင်း


အလင်းအားနည်းတဲ့ မှောင်နေတဲ့ အချိန်ရိုက်ကူးထားတဲ့ ဓာတ်ပုံတွေမှာ အများဆုံးကြုံတွေ့တဲ့ အခက်အခဲပဲဖြစ်ပါတယ်။ အချို့ ဖုန်းကင်မရာတွေက Auto ထုတ်ပေးလိုက်တဲ့ ဓာတ်ပုံတွေမှာ အများဆုံး အဖြစ်များပါတယ်။ ဒါ့အပြင် HDR စနစ်တွေကြောင့် ဓာတ်ပုံရဲ့ ရုပ်ထွက်ကို ဆွဲတင်လိုက်တဲ့ အခါမှာလည်း အဲလို ဖွယ်နေ ဖွာနေတဲ့ ဓာတ်ပုံတွေကို သာရရှိကြပါတယ်။ အလင်းအမှောင်ကို ဖုန်းကင်မရာက ချိန်ညှိတဲ့အခါမှာ ISO တွေကို အလွန်အကျွံ ဆွဲတင်ပြီး ဓာတ်ပုံက အဲလိုမျိုး ဖွာသွားကြတာပါ။ ဒါကြောင့် ဒီလိုဖွာနေတဲ့ ဓာတ်ပုံတွေ မလိုချင်ဘူးဆိုရင်တော့ အမှောင်ထဲမှာ ဓာတ်ပုံရိုက်ကူးရင် Auto စနစ်ကို မသုံးတာဟာ အကောင်းဆုံးဖြစ်ပြီး Manual စနစ်နဲ့ ရိုက်ကူးနိုင်သလို Manual စနစ်မပါတဲ့ ဖုန်းတွေအတွက်တော့ Long Expoture စနစ်အထောက် အပံ့ပါဝင်တဲ့ App တွေနဲ့ ရိုက်ကူးတာက အကောင်းဆုံး ဖြစ်မှာပါ။ Long Expoture ရိုက်တော့မယ်ဆိုရင်တော့ မဖြစ်မနေ Tripod ကတော့ လိုအပ်တော့မှာပဲ ဖြစ်ပါတယ်။ အကယ်လို့ Long Expoture နဲ့လည်း ရိုက်ပြီးပြီ ဓာတ်ပုံကလည်းကောင်းနေပြီး ဓာတ်ပုံကို edit လုပ်တဲ့ အခါမှာ အချို့က အလွန်အကျွံ edit လုပ်ကြပါတယ်။ အဲ့အချိန်မှာ အချို့က HDR တွေ အများကြီးသုံးပြီး edit လုပ် လိုက်တဲ့အခါမှာ ကိုယ့်ဓာတ်ပုံက စုတ်ချက်ကြမ်းကြမ်း ရေးဆွဲထားတဲ့ ပန်းချီကားတစ်ခုလို့ ခပ်ကြမ်းကြမ်း၊ ခပ်ဖွာဖွာဖြစ်သွားတဲ့လို့ သတိထားသုံးစွဲ သင့်ပါတယ်။

၅။ Sunrise နဲ့ Sunset ဓာတ်ပုံတွေ ရိုက်ကူးခြင်း


နေဝင်ချိန်နဲ့ နေထွက်ချိန်တွေကို ရိုက်ကူးတဲ့အခါမှာလည်း မှောင်တဲ့အချိန်မှာ ရိုက်တဲ့ဓာတ်ပုံတွေလိုပဲ အလင်ရောင်နဲ့အမှောင်ကို ကစား ရိုက်ကူးမှ လှပတဲ့ နေဝင်ဆည်းဆာ ဓာတ်ပုံတွေကို ရရှိမှာပါ။ နေဝင်ချိန်နဲ့ နေထွက်ချိန်တွေမှာ ထည့်သွင်းရိုက်ကူးမယ့် Subject တွေကိုလည်း အလင်းအများကြီး ပေးစရာမလိုဘဲ ခပ်မှောင်မှောင် အနေအထားမှ နေရောင်နဲ့ တိမ်သားပြင်တွေရဲ့ အလှကိုပိုပြီး ပေါ်လွင်နေတာကို မြင်တွေ့ရမှာပါ။ နေထွက်ချိန်မှာပဲဖြစ်ဖြစ် နေဝင်ချိန်မှာပဲဖြစ်ဖြစ် မြို့ပြ ရဲ့ မီးရောင်တွေနဲ့ အတူရိုက်ကူးမယ် ဆိုရင်လည်း လင်းလက်နေတဲ့ မီးရောင်တွေကို အရမ်းကြီး မပေါ်လွင်လွန်းဘဲ အလင်းတွေကို အတတ် နိုင်ဆုံး လျှော့ချပြီး ခပ်ပြပြ အနေအထားအဖြစ် ထည့်သွင်းရိုက်ကူး သင့်ပါတယ်။ အဲလိုဓာတ်ပုံတွေ ရိုက်ကူးပြီးရင် အလင်းအမှောင် ချိန်ညှိဖို့ပဲဖြစ်ဖြစ် Crap လုပ်ဖို့ပဲဖြစ်ဖြစ် Edit လုပ်မယ်ဆိုရင် Snapseed လို App တွေသုံးဆွဲတာ ပိုမိုကောင်းမွန်စေပါတယ်။

၆။ အလင်းရောင်တွေကို Leading Line အဖြစ် သုံးစွဲရိုက်ကူးခြင်း


ဓာတ်ပုံပညာမှာ အမြဲတမ်း ထည့်သွင်းပြောဆိုလေ့ရှိတဲ့ Leading Line  ထည့်သွင်းရိုက်ကူးခြင်း ဆိုရာမှာ ညဘက်ဓာတ်ပုံ ပညာတွေမှာလည်း အလင်းရောင်တွေကို Leading Line ဖြစ်နေအောင် ထည့်သွင်းရိုက်ကူး ခြင်းက မတူကွဲပြားတဲ့ ဓာတ်ပုံအရသာကို ပေးစွမ်းမှာပါ။ ညဘက် ဓာတ်ပုံတွေ ဘာရိုက်ရမလဲ စဉ်းစားမရဘူးဆိုရင် အစီအရီထားတဲ့ ဓာတ်မီးတိုင်တွေရဲ့ ဖြာကျနေတဲ့ အလင်းရောင်တွေကို ရိုက်ကူးနိုင်သလို အဆောက်အဦ လျှောက်လမ်း ရှည်ကြီးထဲမှာ တပ်ဆင်ထားတဲ့ မီးချောင်းတွေကိုလည်း Leading line ပုံစံ ရိုက်ကူးနိုင်ပါတယ်။ အခြား အလင်းရောင်တွေ Leading Line ဖြစ်နေတဲ့ အချိန်အခါ အမြောက်အမြားရှိနေ တာကြောင့် အဲဒီဓာတ်ပုံတွေကို အမိအရ ရိုက်ယူထားခြင်းကလည်း ဓာတ်ပုံကောင်းတွေရဖို့ ကြိုးစားအားထုတ်မှုတစ်ခုပါပဲ။ Leading Line မဖြစ်ရင်တောင် မီးလင်းနေတဲ့ ပြတင်းပေါက်တွေ၊ ကားရှေ့မီးတွေ။ ဆိုင်းဘုတ်တွေကို ဓာတ်ပုံကြည့်သူရဲ့ မျက်လုံးက အာရုံစိုက်မိအောင်လည်း ဖန်တီးရိုက်ကူး နိုင်ပါသေးတယ်။

၇။ မိုးရွာနေတဲ့ည


မိုးရွာထားတဲ့ ညတစ်ညကို ဓာတ်ပုံရိုက်ကူး ရတာဟာလည်း စိတ်လှုပ်ရှားစရာ ကောင်းပါတယ်။ လှပတဲ့မြို့ပြရဲ့ မီးရောင်တွေနဲ့ စိုရွှဲနေတဲ့လမ်းတွေက အလင်းရောင် ပြန်နေတာတွေကို အမိအရ ရိုက်ကူးပါက ဓာတ်ပုံကောင်းတွေ ရနိုင်ပါတယ်။ လမ်းပေါ်မှာ ထီးဆောင်းသွားတဲ့ လူတွေ၊ ကားမှာပေါ်မှာ တွဲခိုနေတဲ့ ရေစက်တွေကို ရှေ့မှာထားပြီး ရောင်စုံမီးရောင်တွေ၊ ညဘက်မှာ မိုးရွာထဲပြေးလွှား နေတဲ့သူတွေ စတာတွေဟာ ဓာတ်ပုံရိုက်လို့ ကောင်းတဲ့အခိုက်အတန့်တွေပဲ ဖြစ်ပါတယ်။ အဲဒီအချိန်မှာ အလင်းပြန်မှုတွေကြောင့် ဓာတ်ပုံထဲမှာ ရောင်စုံအလင်းတန်းတွေနဲ့ လှပနေတာကို မြင်တွေ့ကြရမှာပါ။

၈။ Long Exposure စမ်းသပ်ရိုက်ကူးဖို့ အကောင်းဆုံး


မှောင်တဲ့အချိန်တွေ ဓာတ်ပုံရိုက်ကူးရတာဟာ Long Exposure ရိုက်ကူးဖို့အတွက် အခွင့်အရေးကောင်း အခါသမယပဲ ဖြစ်ပါတယ်။ ပတ်ဝန်းကျင်မှာရှိတဲ့ အရာဝတ္ထုတွေကို အလင်းအမှောင် ကောင်းကောင်းချိန် ပြီး ရိုက်ကူးနိုင်မယ် ရွေ့လျားနေတဲ့ အရာဝတ္ထုတွေကို မတူကွဲပြားတဲ့ အမြင်ဖြစ်အောင် ရိုက်ကူးနိုင်မယ်။ Landscape တွေ ရိုက်ကူးတဲ့ အခါမှာဆိုရင် Star Tril တွေကိုလည်း စမ်းသပ် ရိုက်ကူးနိုင်မှာဖြစ်လို မြို့တွင်းမှာ ကားမီးအလင်းတန်းတွေဖြစ်တဲ့ Light trail တွေကိုလည်း ဖန်တီးရိုက်ကူးနိုင်မှာ ဖြစ်ပါတယ်။ ဒါကြောင့် Long Exposure ကို ဖုန်းနဲ့ ရိုက်ကူးမယ် ဆိုရင်တော့ ဖုန်းထဲမှာ Camera Manual စနစ် ပါဝင်ရမယ်။ မပါဝင်ပါက Manual စနစ်သုံးနိုင်တဲ့ App တွေကို ရွေးချယ်ပြီး ရိုက်ကူးနိုင်ပါတယ်။ အဲ့ဒါအပြင် Tripod တစ်ချောင်းလည်း လိုအပ်မှာဖြစ်ပါတယ်။

၉။ Black & White


အလင်းအမှောင်ဓာတ်ပုံတွေ ရိုက်ကူးထားပြီးပြီဆိုရင် Black & White ပြုလုပ်ကြည့်သွင့်ပါတယ်။ အဲ့အချိန်မှာ ဓာတ်ပုံရဲ့ ပုံစံဟာ လုံးဝပြောင်းလဲသွားပြီး အမြင်တစ်ခုကို ကောင်းကောင်းလှည့်စား သွားနိုင်တာကို တွေ့ရပါတယ်။ လူပုံမှာဆိုရင် အရိပ်ကျနေတဲ့ နေရာတွေနဲ့ လှပမှုတွေ လမ်းမထက်က အလင်းအမှောင် အဖြူအမည်း အားပြိုင်မှုတွေကို ထပ်မံမြင် တွေ့ရမှာပါ။ ဒီလိုဓာတ်ပုံတွေကို မိုဘိုင်းဖုန်း ရိုးရိုးကင်မရာနဲ့ပဲ ကာလာအနေနဲ့ ရိုက်ကူးပြီး အဖြူအမည်း ပြန်လည်ပြုပြင်နိုင်သလို အခု နောက်ပိုင်း အချို့မိုဘိုင်းဖုန်းတွေမှာ အဖြူအမည်း တစ်ခါတည်းရိုက်ကူးနိုင်အောင် Monocrome စနစ်တွေကို ထည့်သွင်းပေးထားကြပါတယ်။ မိုဘိုင်းဖုန်းအတွက် အဖြူအမည်း ပုံအဖြစ် ပြန်လည်ပြုပြင်ဖို့အတွက် ဆိုရင်တော့ Shapseed, Dynamic Black & White, Light Room စတဲ့ App တွေက တော်တော်ကောင်းမွန်တာ တွေ့ရပါတယ်။


-စည်သူ

Credit to ==>Internet Journal

<<< အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။ >>>

                www.pyaephyo.com