♪ “နည်းပညာကြောင့် ပြောင်းလဲလာသော ငွေကြေးသုံးစွဲမှုကဏ္ဍ” ♫

တစ်နေ့တခြား ခေတ်မီတိုးတက်နေသော နည်းပညာများကြောင့်လူတို့ရဲ့ နေထိုင်လှုပ်ရှားမှုနေ့စဉ်ဘ၀များ လည်း ပြောင်းလဲလာကြပါသည်။ ကဏ္ဍ အသီးသီးတွင်ပြောင်းလဲမှုများရှိရာ ငွေကြေးသုံးစွဲမှုအပိုင်းတွင်လည်း တိုးတက်ပြောင်းလဲမှုရှိလာ ခဲ့ပါသည်။ ငွေစက္ကူသုံးသည့်အခါ နေရာ ဒေသပေါ်လိုက်၍ တိကျစွာ သုံးစွဲခြင်းနှင့်ပြန်အမ်းခြင်းစသော အခက်အခဲ များရှိပါသည်။ သယ်ယူသွားဖို့အတွက် အခက်အခဲဖြစ်နိုင် သလို ရေတွက် စစ်ဆေးဖို့အတွက်လည်း အချိန်ကြာစေပါသည်။ ဟောင်းနွမ်း စုတ်ပြဲသော ငွေစက္ကူများ ပါရှိလာသည့်အခါမှာလည်း စိတ်အနှောင့်အယှက်ဖြစ်စေပါသည်။ ငွေစက္ကူများနဲ့ပတ်သက်၍ မသမာမှုပြုလုပ် သူများလည်းရှိပါသည်။ အရွယ်တူ ငွေစက္ကူများကို ကြားညှပ်သုံးစွဲခြင်း၊ ငွေစက္ကူအတုများဖန်တီး သုံးစွဲခြင်း များပြုကြပါသည်။ ဒါကြောင့်တစ်ဖက်မှာလည်း ငွေစက္ကူများတွင် လုံခြုံရေး စနစ်ပိုကောင်းအောင်ဖန်တီးလာကြပါသည်။ ထို့ကြောင့် သွားလာရေး၊ စားသောက်ရေးစသောအခြေခံကျသည့် နေ့စဉ်သုံးစွဲမှုများတွင် ကတ်စနစ် အသုံးပြုနိုင်အောင် ဖန်တီးပေးထားခြင်းဖြစ်ပါသည်။ ပါးပါးလျလျ၊ လေးထောင့်ကျကျကတ် များဖြစ်သော credit,debit ကတ်များဟာ ငွေစက္ကူများရဲ့နေရာယူမှုကို လျှော့ချပေးလာခဲ့ပါသည်။

သုံးစွဲသူများဘက်မှဝန်ပေါ့သည်သာမက ငွေကြေးရယူရသောဆိုင်ဝန်ထမ်း များဘက်မှလည်း ကတ်စနစ်သုံးစွဲမှုကြောင့် များစွာအဆင်ပြေကြရပါသည်။ အခုအခါကတ်အမျိုးမျိုးကို ထုတ်လုပ်ပေးထားကြရာ ခရီးထွက်သည့်အခါ ပြည်ပနိုင်ငံများတွင် ငွေထုတ်သုံးစွဲမှုအတွက်ပင်လွယ်ကူလာခဲ့ပါသည်။ ကတ်များကို အခက်အခဲမရှိသုံးနိုင်ရန်အတွက်လည်း သက်ဆိုင်ရာ အရောင်း ဆိုင်အားလုံးသည် ကတ်စနစ်ကို လက်ခံသုံးစွဲရန်လိုအပ်ပါသေးသည်။ ကတ်မှတစ်ဆင့်ငွေထုတ်၊ ငွေသွင်းရန်အတွက်လည်း သက်ဆိုင်ရာစက်များကို နေရာအနှံ့အပြားတွင်ထားရှိရန် လိုအပ်ပါသေးသည်။ ပိုက်ဆံသုံးစွဲနိုင်အောင် ကူညီထောက်ပံ့ပေးမည့်နည်းပညာဆိုင်ရာ ပစ္စည်းများစွာရှိလာပါသည်။ စမတ်ဖုန်းနှင့်စမတ်နာရီများကို အသုံးပြု၍ ငွေကြေးပေးချေလာနိုင်ကြပါ သည်။ Apple Pay,Samsung Pay နှင့် Google ၏ Android Pay တို့မှာ လူသုံး များလာသော ငွေပေးချေမှုစနစ်ဖြစ်ပါသည်။ “ကျွန်မတို့ရဲ့ငွေသုံးစွဲမှုဆိုင်ရာ နောက်ဆုံးပန်းတိုင်က ပိုက်ဆံအိတ်များနေရာမှာ အစားထိုးဖို့ဖြစ်ပါတယ်”လို့ Apple ရဲ့ vice president ဖြစ်သူ Jennifer Bailey က မှတ်ချက်ပြုဖူးပါသည်။ eMarketer အဖွဲ့၏ စာရင်းဇယားအရပြီးခဲ့သောနှစ်များတွင် U.S.မှလူဦးရေ 23.2million ခန့်သည် mobile payment စနစ်ကို အသုံးပြု၍ငွေပေးချေ မှုပြုခဲ့ပြီး၊ တန်ဖိုးမှာ ဒေါ်လာ 8.71 billion ခန့်ရှိခဲ့ပါသည်။ ၂၀၁၇ခုနှစ်တွင် လူဦးရေ 50.2 million မှာ နောက်ဆုံးပေါ်နည်းပညာ စနစ်များဖြင့် ငွေပေးချေ နိုင်ပြီး၊ သုံးမည့်တန်ဖိုးမှာဒေါ်လာ 61.75 billion ခန့်ရှိပါမည်။ ၂၀၁၈ ခုနှစ် အတွက် ခန့်မှန်းချက်နှုန်းထားမှာ ဒေါ်လာ 114.63billion ဖြစ်ပြီး၊ ၂၀၁၉ ခုနှစ်အတွက်ကိုတော့ ဒေါ်လာ 210.45 billion ၀န်းကျင်ခန့်မှန်းထားပါသည်။

eMarketer မှ Brian Yeager က “ရှေ့ပြေးအဆင့်အနေအထားများကို သဘောပေါက်နားလည်ပြီး၊ နောက်ပိုင်းအတွက် ပိုကြိုးစားပြင်ဆင်ရမယ်”လို့ သုံးသပ်ပြောဆိုပါသည်။ စမတ်ဖုန်းများမှတစ်ဆင့် ငွေပေးပို့လွှဲပြောင်းနိုင်မှု သည် သွားလာရေးခက်ခဲ သောဒေသများအတွက် အကျိုးပိုရှိစေပါသည်။ အာဖရိကမှ ဖွံ့ဖြိုးဆဲနိုင်ငံဖြစ်သော ကင်ညာနိုင်ငံသည်လည်း စမတ်ဖုန်း များကို ကြားခံ၍ ငွေပေးပို့သုံးစွဲမှုလုပ်ဆောင်ပါသည်။ နိုင်ငံလူဦးရေ၏ သုံးပုံနှစ်ပုံခန့်သည် အဆိုပါစနစ်ကိုသုံးစွဲကြပြီး၊ တိုင်းပြည်၏ စီးပွားရေး အတွက်လည်း ၅၀ ရာခိုင်နှုန်းနီးပါးခန့် အရေးပါလာပါသည်။ ကင်ညာမှာ အသုံးပြုသောစနစ်ကတော့ Vodafone ရဲ့ M-Pesa ဖြစ်ပါသည်။ ပြီးခဲ့သော နှစ်တစ်ဝက်သတင်းများအရတော့ M-Pesa ဟာ တောင်အာဖရိကနိုင်ငံ ရဲ့ဈေးကွက်အပိုင်းမှာတော့ အရေးမလှခဲ့ပါဘူး။ ငွေပေးချေ သုံးစွဲနိုင်သော စမတ်ဖုန်း app များ၊ website များနှင့် ငွေကြေးသုံးစွဲမှုဆိုင်ရာ စွန့်ဦး တီထွင်လုပ်ငန်းများ ကြောင့် နှစ်များစွာလည်ပတ် လုပ်ကိုင်နေသော ဘဏ်လုပ်ငန်းတချို့ ထိခိုက်နိုင်ကြောင်း သုံးသပ်မှုများလည်း ရှိပါသည်။ စတော့ရှယ်ယာရောင်း၊ ၀ယ်မှုလုပ်ငန်းဖွံ့ဖြိုးသော နိုင်ငံများတွင် စမတ်ဖုန်း app များနဲ့ပင် စိတ်တိုင်းကျရောင်း၊၀ယ်မှုပြုနိုင်ပါသည်။ အဆိုပါ app များ၊ website များသည်သုံးစွဲသူများ၊ ဆက်စပ်လုပ်ငန်းရှင်များအတွက်လည်း အကျိုးအမြတ်ပိုမို ရရှိအောင် သုံးစွဲမှုပေါ်မူတည်၍ ငွေကြေးများကိုရာခိုင်နှုန်း အလိုက် ပြန်ပေးခြင်းမျိုးလည်း ရှိပါသည်။ ဘိုကင်ပြုလုပ်၍ ငွေပေးချေ သည့်အခါတွင်လည်း ရာခိုင်နှုန်းအလိုက် လျှော့ဈေးများကိုရရှိနိုင်ပါသည်။

သမားရိုးကျငွေကြေးသုံးစွဲသူများကို ဆွဲဆောင်သည့်သဘောဖြင့် ၀န်ဆောင်မှု ကောင်းများပေးခြင်းပါ။ စွန့်ဦးတီထွင်လုပ်ငန်းအဖြစ် စတင်ခဲ့သော Robinhood (ငွေပေးချေသုံးစွဲမှုဆိုင်ရာလုပ်ငန်း)သည်လည်း လာမည့် ၉နှစ်၊၁၀နှစ်အတွင်းနိုင်ငံတကာကို ဈေးကွက်ချဲ့ထွင်နိုင်သော လုပ်ငန်းကြီး တစ်ခုအဖြစ် တိုးချဲ့လုပ်ကိုင်မှာဖြစ်ပါသည်။ Robinhood ကို ၂၀၁၃ခုနှစ်တွင် စတင်တည်ထောင်ခဲ့ခြင်းဖြစ်ပြီး၊ ရုံးချုပ် မှာ California ပြည်နယ်၊ Palo Alto တွင်တည်ရှိပါသည်။ လုပ်ငန်းရဲ့အဓိကဦးဆောင်သူများမှာ Baiju Bhatt, Vladimir Tenev, Nate Rodland တို့ ဖြစ်ပါသည်။ စွန့်ဦးတီထွင်စီးပွားရေး ဆိုင်ရာ ငွေကြေးဝန်ဆောင်မှုလုပ်ငန်းများရဲ့ ၇၀ရာခိုင်နှုန်းခန့်သည် ရိုးရာ လုပ်ငန်းများထက် ဖွံ့ဖြိုးမှုပိုကောင်းကြောင်းသုတေသနနှင့် စစ်တမ်း ကောက်မှုဆိုင်ရာ အဖွဲ့အစည်းဖြစ်သော Gartner Inc. က မှတ်ချက်ပြုပါ သည်။

ထင်ရှားသည့်ကမ္ဘာ့နေရာအတော်များများတွင်အသုံးပြုနိုင်သော online payment စနစ်တစ်ခုကတော့ အမေရိကန်မှ PayPal ဖြစ်ပါသည်။ ၁၉၉၈ ခုနှစ်မှာ အစပြုခဲ့တာပါ။ စတင်တည်ထောင်သူတွေထဲတွင် Max Levchin, Peter Thiel, Luke Nosek နှင့် Ken Howery တို့ ပါဝင်ခဲ့ပါသည်။ PayPal စတင်ဖွံ့ဖြိုးပြီး၊ ပိုက်ဆံလွှဲပြောင်းပေးပို့နိုင်သည့် ၀န်ဆောင်မှုကို စတင် မိတ်ဆက်ခဲ့တာကတော့ ၁၉၉၉ ခုနှစ်ပါ။ BlueRun Ventures မှ John Malloy ရဲ့ ထောက်ပံ့ကူညီမှုလည်းပါဝင်ပါသည်။ ၂၀၀၇ ခုနှစ်မှာ MasterCard နဲ့ မိတ်ဖက်ဖြစ်ခဲ့ပါသည်။ ၂၀၁၂ ခုနှစ်၊ သြဂုတ်လမှာ Discover Card နဲ့လည်း မိတ်ဖက်ဖြစ်ကြောင်း ကုမ္ပဏီက ကြေညာခဲ့ပါသည်။ ဒါကြောင့် ထိုအချိန်က PayPal ငွေပေးချေမှုအား Discover Card ရဲ့ network ရှိသော 7 millions စတိုးများတွင် သုံးစွဲနိုင်ပါသည်။ PayPal ရဲ့ Operations Center နှင့်ရုံးချုပ် ဟာ Omaha, Nebraska မှာ ရှိပါသည်။ အခြားဌာနချုပ်ကိုလည်း San Jose, California မှာဖွင့်ထားပါသည်။ PayPal ၏ ဥရောပဌာနချုပ်ကတော့ Luxembourg မှာ တည်ရှိပါသည်။ PayPal ဟာ နည်းပညာစင်တာကို ၂၀၀၆ ခုနှစ်မှာ Scottsdale, Arizonain မှာဖွင့်ခဲ့ပါသည်။ Software development center ကို တော့ ၂၀၀၇ ခုနှစ်မှာ India, Chennai မှာတည်ဆောက်ခဲ့ပါသည်။ ၂၀၀၇ ခုနှစ်၊ အောက်တိုဘာလ တွင် PayPal သည် data service ရုံးကို Austin, Texas တွင်ဖွင့်ခဲ့ပါသည်။

“ငွေပေးချေမှု ကမ္ဘာကြီးဟာပိုင်းခြားထားလို့မရပါဘူး”ဟု PayPal မှ တာဝန် ရှိသူ Schulman ကမှတ်ချက်ပြုဖူးပါသည်။ “သင့်အနေနဲ့ ပတ်ဝန်းကျင်မှာ ရှိသည့် စတိုးတစ်ခုခုကိုသွားတဲ့အခါမှာ စမတ်ဖုန်းပါသွားခဲ့မယ်ဆိုရင် အဲဒါဟာ ရိုးရှင်းတဲ့ ငွေပေးချေမှုတစ်ခု ဖြစ်လာပါလိမ့်မယ်” လို့ဆိုဖူးပါသေးသည်။ မိတ်ဖက် ကုန်သည်ပွဲစားလုပ်ငန်းများနဲ့ပတ်သက်၍လည်း “ကျွန်တော်တို့ အနေနဲ့ကုန်သည်ပွဲစားများ၏ website မှာ click နှိပ်ဖို့ခလုတ်တစ်ခုအနေနဲ့ပို၍ တည်ရှိချင်ပါတယ်။ ကုန်ပစ္စည်းနှင့် ၀န်ဆောင်မှုကို တစ်ခါတည်းပြည့်ပြည့် ၀၀ပေးစွမ်းချင်ပါတယ်”လို့ Schulman က ပြောပါသည်။မီးခွန်၊ ရေခွန်စသော အခွန်ဆောင်ခြင်းလုပ်ငန်းများအတွက်လည်း စမတ်နည်းပညာများကို အသုံးပြုနိုင်ပါသေးသည်။ ကားငှားစီးခြင်း၊ bus စီးခြင်းအတွက်လည်း ငွေစက္ကူ များသုံးစရာမလိုတော့ဘဲ ကတ်များကိုသာ ကိုင်ဆောင်နိုင်ပါသည်။ နည်း ပညာစနစ်များကို မကောင်းမှုဘက်တွင် သုံးသူများကတော့ အကောင့်ထဲရှိ ငွေများကိုခိုးယူဖို့ အစဉ်ကြိုးစားနေကြပါသည်။ ATM စက်များတွင် ငွေလိမ်လည် ထုတ်မှုများမှာလည်းရှိပြီး၊ အခြားနည်းပညာဆိုင်ရာ တိုက်ခိုက်မှု များကြောင့် အမေရိကန်တွင်နှစ်စဉ် ငွေသိန်းပေါင်းများစွာမှာ hacker တို့လက် အတွင်း သက်ဆင်းကြရပါသည်။ အချို့သောသူများကတော့ နည်းပညာစနစ် မှားယွင်းမှု ကြောင့် သူတို့၏ အကောင့်ထဲသို့ငွေများစွာမှားယွင်း ရောက်ခဲ့ ခြင်းဖြစ်ပါသည်။ နည်းပညာဖြင့် ငွေကြေးသုံးစွဲသည့်အခါ လျင်မြန်သော အင်တာနက်မြန်နှုန်းများ လိုအပ်သလို၊ ထိရောက်စွာကာကွယ်ပေးနိုင်သော လုံခြုံရေးစနစ်၊ တိကျသေချာသော လွှဲပြောင်းမှုစနစ်တို့နဲ့လည်း ၀န်ဆောင်မှု ပေးနိုင်ရန် လိုအပ်ပါသေးသည်။

ငွေစက္ကူများကို ကိုင်တွယ်သုံးစွဲသည့်အခါ ကျန်းမာရေးပိုင်းအတွက်လည်း ဂရုစိုက်ရပါသည်။ မှိုတက်နေသော ညစ်ပတ်နေသော ငွေစက္ကူများတွင် မမြင်ရသော ရောဂါပိုးမွှားများစွာ ရှိနေနိုင်ပါသည်။ ဒါ့အပြင် ငွေစက္ကူများကို ငွေရေစက်ထဲတွင် ထည့်သွင်းရေတွက်သည့်အခါမှာလည်းကောင်း၊ ငွေစက္ကူ အုပ်အတွင်း အခြားတန်ဖိုးနည်း ငွေစက္ကူများ (သို့) သာမန်စက္ကူများ ညှပ်ထား ခြင်း ရှိမရှိစစ်ဆေးသည့်အခါ အမှုန်အမွှားများ လေထဲလွင့်ပျံ့နိုင်ပါသည်။ ဒါကြောင့် mask များ တပ်ဆင်ကြရပါသည်။ ငွေစက္ကူများကို အင်္ကျီ၊ ဘောင်းဘီအိတ်ကပ်များအတွင်းထည့်၍ သုံးစွဲပြီး၊ သတိမပြုမိဘဲ အ၀တ်အစား များ လျှော်ဖွပ်မိခြင်းကြောင့်လည်း ငွေကြေး ဆုံးရှုံးမှုဖြစ်ကြရပါသည်။ ထို့ကြောင့် လူအများစုက နည်းပညာစနစ်ဖြင့် ငွေသုံးရခြင်းကို ပိုနှစ်သက်ကြ ပါသည်။ Digital နည်းဖြင့် ပိုက်ဆံသုံးခြင်းသည် ကိုယ်ရေးအချက်အလက် များကို အချိန်တိုအတွင်း စုံစမ်းနိုင်သောကြောင့် အချို့သောသူများကတော့ ငွေစက္ကူသုံးခြင်းကို မစွန့်ပယ်ကြသေးပါဘူး။


ငြိမ်းချမ်းတိုး

Mobile Guide Journal (Every Monday)
https://www.facebook.com/officialmobileguidejournal

<<< အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။ >>>  





www.pyaephyo.com