နော်ဝေနှင့် ကာတာနိုင်ငံတို့မှ ဆက်သွယ်ရေး အော်ပရေများသည် ၎င်းတို့၏မိုဘိုင်းဆင်းမ်ကတ် အချင်းချင်းခေါ်ဆိုမှုများအတွက် အခမဲ့ဝန်ဆောင်မှုကို ထည့်သွင်းရန် စီစဉ်နေသည်ဟု သတင်းရရှိသည်။ ယင်းကဲ့သို့ ဖုန်းခေါ်ဆိုခ ပေးဆောင်ရန်မလိုသည့် အစီအစဉ်သည် အဆိုပါဆက်သွယ်ရေး အော်ပရေတာ နှစ်ခုက ရောင်းချ မည့် Package Plan များအနက်မှ တစ်ခုဖြစ်ကြောင်း သိရသည်။ “ကျွန်တော်တို့ ကုမ္ပဏီ ကို အူရီဒူးမြန်မာ မားကတ်တင်းလာဆင်း သွားပါတယ်။ သူတို့ရဲ့မတူညီတဲ့ ဝန်ဆောင်မှုအမျိုးအစားတွေ ထဲမှာ အော်ရီဒူးဆင်းမ်ကတ် အချင်းချင်း ဖုန်းခေါ်ဆိုတာကို ပြုလုပ်မယ်ဆို ဖုန်းခေါ်ဆိုခ အခမဲ့ရရှိမယ့် ဝန်ဆောင်မှုမျိုး ပါဝင်ပါတယ်။ အလားတူတယ်လီနော မြန်မာလည်း ဒီအတိုင်းပဲလို့ သိရပါတယ်" ဟု မိုဘိုင်း ဖုန်းလုပ်ငန်းရှင် တစ်ဦးကပြောသည်။ Telenor Myanmar နှင့် Ooredoo Myanmar တို့သည် ပြည်တွင်း မိုဘိုင်းဈေးကွက် အတွင်းရှိ ပုဂ္ဂလိကစီးပွားရေးလုပ်ငန်း များထံ ၎င်းတို့၏ဝန်ဆောင်မှုများနှင့် ပတ် သတ်ပြီး ဈေးကွက်မြှင့်တင်မှုများ ပြုလုပ်နေပြီဖြစ်သည်။
