♪ " အသုံးစုံသည့် VLC " ဆောင်းပါးရှင် - ဧဧသက် (ဖြိုးဓနဒစ်ဂျစ်တယ်ဓာတ်ပုံ) ♫

ကွန်ပျူတာသုံးသူမှန်လျှင် VLC media player ကိုမသိသူ ရှားပါလိမ့်မည်။ ဖွင့်၍မရသည့် Video format Audio format ဟူ၍ မရှိသလောက်ဖြစ်သော VLC ကိုလူတိုင်းကြိုက်ကြပါသည်။ Mobile device များပေါ်တွင်လည်း VLC player က အလွန်အစွမ်းထက်သည်။ Player အတော်များများဖြင့်ဖွင့်၍မရသည့် dot ဖိုင်များ VOB ဖိုင်များကို VLC player က ကောင်းစွာဖွင့်ပေးနိုင်သည်။ ထို့ကြောင့် ကျွန်မ၏စမတ်ဖုန်းများထဲတွင် VLC media player ကို မဖြစ်မနေထည့်ထားရပါသည်။

VLC media player ၏ format အစုံဖွင့်ပေးနိုင်သည့် အစွမ်းကြောင့် လူအတော်များများက ယင်းကို Play ကောင်းတစ်ခုဟုသာ ယူဆကြပါသည်။ အမှန်ဆိုလျှင် VLC media player သည် format converter ကောင်းဖြစ်ပါသည်။ Screen Capture အဖြစ်လည်း ဆောင်ရွက်ပေးနိုင်သည်။ DVD နှင့် CD များကိုလည်း rip လုပ်နိုင်သည်။ သုံးတတ်လျှင် အခြေခံအဆင့် video editor ဖြစ်သည်ကို တွေ့ရပါမည်။ VLC media player သည် video recorder တစ်ခုဖြစ်သည်ဟုဆိုလျှင် လူအများပို၍ပင် အံ့အားသင့်ကြပါဦးမည်။

ပထမဦးစွာ VLC ၏ DVD နှင့် CD Rip လုပ်နိုင်သောစွမ်းရည်ကို ဦးစွာကြည့်ကြပါမည်။ Rip လုပ်သည်ဆိုခြင်းမှာ DVD သို့မဟုတ် CD ထဲမှ Content များကို ကွန်ပျူတာရှိ hard dirve ပေါ်သို့ ကူးယူသိမ်းဆည်းခြင်း ဖြစ်ပါသည်။ Windows media player သည် Audio file များကို Rip လုပ်ခွင့်ပေးသော်လည်း Video file များကို Rip လုပ်ခွင့်မပေးပါ။ VLC media player ကမူ နှစ်မျိုးစလုံးအား Rip လုပ်ခွင့်ပေးပါသည်။ 

Rip လုပ်နိုင်ခြင်း၏ အကျိုးကျေးဇူးမှာ မူရင်း DVD/CD တို့အား backup copy ထားနိုင်ခြင်းနှင့် ယင်းဖိုင်တို့ကို ကွန်ပျူတာမှတစ်ဆင့် အိမ်တွင်းကြိုက်သည့်နေရာသို့ stream လုပ်နိုင်ခြင်းဖြစ်သည်။ VLC သည် Rip လုပ်နိုင်စွမ်းရှိသည်ဟုဆိုသော်လည်း မူပိုင်ခွင့်ဖြင့် တားဆီးထားသည့် အချို့ DVD များကိုကား Rip လုပ်နိုင်မည်မဟုတ်ပါ။ ထို့ကြောင့် DVD များအား တစ်ချပ်ခြင်းစမ်းကြည့်ပြီးမှ အဆင်ပြေသည်မပြေသည်ကို သိနိုင်ပါမည်။ Music CD များကိုကား VLC media player က ကောင်းစွာ Rip လုပ်နိုင်ပါသည်။

Rip လုပ်ရန်အတွက် ဦးစွာ VLC ကို ဖွင့်ပါ။ Menu bar ရှိ Media > convert/ save သို့ဝင်ပါ။ ပြီးလျှင် Disc tab ကိုရွေးပါ။ ဥပမာပြရလျှင် DVD သို့မဟုတ် Audio CD ကို ရွေးပေးခြင်းဖြစ်သည်။ No disc menu သည် ရှင်းလင်းကြောင်း သေချာအောင် လုပ်ရပါမည်။ ပြီးလျှင် convert and save button တွင်ကလစ်နှိပ်ရပါမည်။ နောက်ထပ်ပေါ်လာမည့် screen တွင် profile တစ်ခုကို မဖြစ်မနေရွေးပေးရမည်။ ယင်း နေရာ၌ရွေးချယ်နိုင် သော Audio နှင့် Video option အတော်များများ ရှိပါသည်။ ဗီဒီအတွက်လူသုံးများသော H-264 နှင့် MP4 format များ ရှိသလို Audio အတွက် MP3 ၊ FLAC နှင့် OGG format များရှိပါသည်။ Save location ရွေးပေးခြင်း၊ file name ပေးခြင်းတို့ ပြုလုပ်ပြီးသည့် နောက်တွင် start နေရာ၌ ကလစ်နှိပ်ရုံသာရှိပါသည်။

အကယ်၍ Audio နှင့် Video ဖိုင်များကို ကွန်ပျူတာအတွင်း သိမ်းဆည်းထားမည်ဟုဆိုလျှင် ယင်းဖိုင်တို့သည် media library အဖြစ်ရှိနေပြီး ယင်းတို့ကိုအခြားကွန်ပျူတာတစ်လုံး သို့မဟုတ် ဖုန်း/ တက်ဘလက်တို့မှနေ၍ VLC သုံးပြီး access လုပ်နိုင်ပါမည်။ ယင်းစွမ်းဆောင်ချက်သည် hardware ပိုင်းအားနည်းနေပြီဖြစ်သော ကွန်ပျူတာအိုတစ်လုံးအား ရုပ်ရှင်၊ သီချင်းနှင့်ဓာတ်ပုံများ သိုလှောင်ရာဂိုဒေါင်ကြီး တစ်လုံးအဖြစ် ဖန်တီးပေး လိုက်ခြင်းဖြစ်ပါသည်။ အိမ်တွင်းရှိ အခြား device များမှနေ၍ ယင်း media library ကို access လုပ်နိုင်ကြပါလိမ့်မည်။

ထိုသို့ပြုလုပ်ရန်အတွက် ဦးစွာ Windows ၏ control panel တွင်ရှိသော home group ကို ဖွင့်ပါ။ Allow all devices on this network such as TVS and game consoles to play my shared content link နေရာ တွင် ကလစ်နှိပ်ပါ။ ယင်းကွန်ရက်အတွင်း ဖွင့်ခွင့်ပြုသည့် media library ၏အမည်ကို ရွေးပေးပါ။ ဖုန်းနှင့် တက်ဘလက်မှနေ၍ media library ကိုချိတ်၍ သုံးမည်ဆိုလျှင် Play store မှနေ၍ VLC app ကို download ချပြီး install လုပ်ပါ။ Android အတွက်ရော iOS အတွက်ပါ ရနိုင်ပါသည်။

Install လုပ်ပြီးလျှင် ယင်း app ကို ဖွင့်ပါ။ Menu button ကို တစ်ချက်ခေါက်ပြီး ဖွင့်ပါ။ ယင်း button သည် screen ၏ အပေါ်ဝဲဘက်ထောင့်တွင် ရှိပါသည်။ ပြီးလျှင် Network ကို ရွေးချယ်ပါ။ မိမိ၏ Network ထဲတွင်ရှိသော ကွန်ပျူတာကို စာရင်းထဲတွင် မြင်ရပါမည်။ ထို့အတူ ယင်းကွန်ပျူတာက share လုပ်ပြီး သုံးစွဲခွင့်ပေးထားသော media library ကိုလည်း မြင်ရပါမည်။ ယင်းကွန်ပျူတာတွင် တစ်ချက်ခေါက်ပါ။ မိမိဖွင့်လိုသော အရာ (ဥပမာ သီချင်း) ကို တစ်ချက်ခေါက်၍ ဖွင့်ပါ။ Browser လုပ်ပြီး မိမိနားဆင်လိုသော သီချင်းကိုရွေးပါ။ တွေ့ပြီဆိုလျှင် ယင်းသီချင်းနေ ရာ၌တစ်ချက်ခေါက်ပြီး မိမိ၏ android device ပေါ်၌ နားဆင်ပါ။ (ကွန်ပျူ တာသည် Wi-Fi ချိတ်ဆက်နိုင်စွမ်းရှိရမည်ကိုမူ စာရှုသူသဘောပေါက်ပါ လိမ့်မည်)။

နောက်တစ်ချက်အနေဖြင့် VLC media player ၏ Video recording စွမ်းရည်ကိုလေ့လာကြည့်ကြပါမည်။ ကွန်ပျူတာ screen ပေါ်တွင်ပြနိုင်သမျှ Video တို့ကို VLC ကလည်း ပြသပေးနိုင်သည်။ ထူးခြားသည်မှာ VLC ပေါ်တွင်ပြသနိုင်သမျှ Video ကို record လုပ်ယူထားနိုင်ခြင်းဖြစ်သည်။ CD/DVD ပေါ်မှ ဗီဒီယိုကိုသာမဟုတ် အခြားကွန်ပျူတာတစ်လုံးဆီမှ streaming လုပ်ယူသော (သို့မဟုတ်) အင်တာနက်မှ streaming လုပ်ယူသော ဗီဒီယိုတို့ကိုပင် လုပ်ယူနိုင်စွမ်းရှိသည်။

Screen ပေါ်မှ Video ကို record လုပ်ယူရန်အတွက် View menu သို့သွားပါ။ Advanced controls ကိုရွေးပါ။ ပေါ်လာသည့် Window ၏ အောက်ခြေ play/pause button တို့၏အပေါ်နားတွင် control လုပ်သော အပိုဆောင်းခလုတ်အချို့ကိုတွေ့ရပါမည်။ ယင်းထဲတွင် အနီရောင် ဖြင့်ပြထားသော Record button လည်း ပါသည်။ ပြသနေသောဗီဒီယိုကို record စလုပ်မည်ဆိုလျှင် ယင်း record button ကိုနှိပ်ရပါမည်။ ရပ်လို သည့်နေရာရောက်လျှင် stop ကိုနှိပ်ရပါမည်။ ကူးယူလိုက်သော ဗီဒီယိုသည် Video folder ထဲတွင် VLC record ဖြင့်အစချီပြီး နံပါတ်တပ်၍သိမ်းဆည်းပေးပါမည်။ ယင်းဖိုင်ကို VLC တွင် တိုက်ရိုက်ပြသနိုင်သည်။ Video editor တစ်ခုခုထဲသို့ပို့ပြီး တည်းဖြတ်နိုင်သည်။ တခြား device တစ်ခုခုတွင် ပြနိုင်အောင် format ပြောင်းနိုင်သည်။ 

VLC media player သည် သူ့ player ထဲတွင်ပြသမှု video ကို record လုပ်နိုင်သည်ဖြင့် ကွန်ပျူတာ screen တွင် ပေါ်သမျှကိုလည်း record လုပ်နိုင်သည်။ ယင်းက ကွန်ပျူတာတစ်ခုတွင် software တစ်ခုအား မည်သို့ သုံးရမည်ကိုရှင်းလင်းပြသပေးသော video ဖိုင်များ ထုတ်လုပ်ရာတွင်အထောက်အကူပြုသည်။ Screen ကို record လုပ်မည်ဆိုလျှင် Media menu ကိုဖွင့်ရပါမည်။ ပြီးနောက် convert/save ကိုရွေးရပါမည်။ ပြီးလျှင် capture device နေရာသို့သွား၍ ကလစ်နှိပ်ရပါမည်။

ယင်းနောက်တွင်ပေါ်လာသော capture mode menu အကွက်ထဲမှ Desktop ကိုရွေးပေးရပါမည်။ တစ်စက္ကန့်၌ဖမ်းယူလိုသော frame အရေအတွက်ကိုသတ်မှတ်ပေးရပါမည်။ ပြီးလျှင် convert/save button ကိုနှိပ်ပါမည်။ Video profile list ထဲမှ format တစ်ခုခု(ဥပမာ - H-264 )ကို ရွေးပေးရပါမည်။ Video for MP4 ကိုလည်းရွေးနိုင်သည်။ ယင်းနောက် browse button ကိုနှိပ်၍ မိမိသိမ်းဆည်းမည့်နေရာနှင့်ဖိုင်အမည်ကိုရွေး ချယ်ပေးရပါမည်။ ပြီးလျှင် start ကိုနှိပ်၍ လုပ်ငန်းစတင်နိုင်ပါသည်။





NetGuide Journal (Every Wednesday)
https://www.facebook.com/officialnetguidejournal

<<< အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။ >>>  





www.pyaephyo.com