♪ HTC One M8 ၏ ဈေးသက်သာသည့် အမျိုးအစား HTC One M8 Ace လာမည် ♫

HTC One M8 Ace ၏ ဓါတ်ပုံများ အင်တာနက် စာမျက်နှာများတွင် ထွက်ပေါ်လာပါသည်။ HTC One M8 Ace သည် အလူမီနီယမ် ကိုယ်ထည် တပ်ဆင်ထားသည့် တန်ဖိုးကြီး စွမ်းဆောင်ရည်မြင့် HTC One M8 ၏ ပလတ်စတစ် ကိုယ်ထည် တပ်ဆင်ထားသည့် ဈေးသက်သာသော အမျိုးအစားဖြစ်ပါသည်။

ဓါတ်ပုံများကို Twitter တွင် တွေ့ရှိရခြင်း ဖြစ်ပြီး HTC One M8 Ace သည် HTC One M8 နှင့် HTC One Mini 2 တို့၏ ဒီဇိုင်း နှင့် တူညီစေရန် ပြုလုပ်ထားပါသည်။ ကြီးမားသည့် BoomSound Stereo Speaker များကို အရှေ့ဘက် မျက်နှာပြင်တွင် တပ်ဆင်ထားပါသည်။

One M8 Ace ကို ပေါ့ပါးပြီး မာကျောသည့် Polycarbonate ပလတ်စတစ် ကိုယ်ထည်ဖြင့် ထုတ်လုပ်ထားသဖြင့် ကုန်ကျစရိတ်သက်သာပြီး Samsung Galaxy S5 ကို ယှဉ်ပြိုင်နိုင်မည် ဟု ကျွမ်းကျင်သူများက သုံးသပ်ပါသည်။ One M8 Ace ၏ အနောက်ဘက်တွင် One M8 ကဲ့သို့ ကင်မရာ နှစ်လုံး တပ်ဆင်ထားခြင်း မရှိဘဲ 8 MP or 13 MP Camera တစ်လုံးသာ တပ်ဆင်ထားမည် ဟု သတင်းထွက်ပေါ်နေပါသည်။ ကင်မရာ ၏ အပေါ်တွင် LED Flash တပ်ဆင်ထားမည် ဖြစ်သည်။

ထွက်ပေါ်နေသော သတင်းများအရ HTC One M8 Ace တွင် ငါးလက်မ အရွယ် 1080p Display နှင့် 2.5GHz Quad-Core Qualcomm Snapdragon 801 Processor တပ်ဆင်ထားမည်ဖြစ်သည်။ ဒေါ်လာ ငါးရာအောက်ဖြင့် ရောင်းချနိင်သည်ဟု ကျွမ်းကျင်သူများက ခန့်မှန်းကြသော်လည်း ရောင်းချမည့် အချိန်နှင့် ပတ်သက်၍ သတင်းထွက်ပေါ်ခြင်း မရှိသေးပါ။

သူရ

Myanmar Digital Life Journal

<<< အောက်မှာ Click တစ်ချက်လောက်နှိပ်ပေးခြင်းအားဖြင့် တစ်ဖက်တစ်လမ်းကကူညီရာရောက်ပါတယ်။ >>>